هنزل الميدان تانى وتالت ......

ايوه انا هنزل تانى الميدان وايوه انا عارف ان المجلس العسكرى والداخليه بتقول علينا بلطجيه ,
وايوه انا عارف ان فيه ايادى خفيه ..
بس هنزل مش هسيبك يا مشير تركب البلد وتمشيها على كيفك 
مش هسيب قضايا الشهدا تضيع واد ورا واحده 
مش هسيبك كل يوم تقبض على واحد بيقلك لا
مش هسيبك طول ما انته بتحاكمنا عسكريا 
مش هسيبك طول ما مبارك وولاده عيشيين ميت فل وعشره والشعب طالع عينه هوه وولاده الشهدا 
مش هسيبك طول مانته سايب وزرا واولهم وزير داخليتك مش عارف يمشى البلد 

يا مجلس يا عسكرى رصيد نفذ وتواطؤك ظهر وضحكك علينا ابتدى من زمان بس احنا خلاص مش هنسكتك هننزل بكره وهزننزل يوم 8 يوليو 
حقق مطالبنا احسنلك يا مشير 


مضروب برصاص مطاطى امبارح قدام الداخليه

 

دى صور التحرير الى فيه البلطجيه !!!!!!!!!!!احنا لسه هنصدق ان دول بلطجيه 

 
وده بقى ابو شهيد زينا مش عارف يشوف المتهميين فى القفص 

 لازم ننزل تانى التحرير

#TweetNadwa in mansoura

تويت ندوه فكره جديد من اسبوعيين اخترعها المدون والناشط السياسى علاء عبد الفتاح 
على مدونته علاء ومنال  
وفكرتها انها مجموعه شباب الطويطر
هينزلو لارض الواقع ويتفعلو ويكلموا ويعرفوا بعض 
عن طريق ندوه منظمه ليها موضوع معين وناس مححده هتكلم فى الموضوع الى جانب انها هتسمح بالحوار للحضور بس زى تويتر فى 140 ثانيه مش كلمه لكل واحد ....
بالاضافه الى استخدام الهاشتاج #TweetNadwa على تويتر 
وهيكون فيه بروجيكتر يتعرض عليه الtweets online
للمشاركه اكتر 


------------------------
ده الموضوع ببساطه عايزيين معمله فى المنصوره بقى 

مصر تريد من يؤمن بالثوره

حمله تشويه المرشحيين للرئاسه لمجرد اختلافاتهم الفكريه غير مقبول .ومصر لن تحتاج توجه ايدولوجى ليبرالى او اشتراكى او اسلامى لكى تقف على طريق التطور ولكنها تحتاج لمن يؤمن بالثوره ومطالبها ويسعى لحل المشكلات فعليا وليس استخدام المعسول من الكلام وفى الاخر ننزل على مفيش .
ربنا يكون فى عون البرادعى والعوا ليهم تصريحات الناس بتاخدها وتستخدمها بطريقه زى الزفت
....................
مصر تحتاج من يؤمن بالثوره والشعب المصرى قادر على الاختيار من بين المرشحيين اذا كانت مصر لسه بتبدى حياه سياسيه.
لازم منعملشى الى كان بيعملو النظام السابق من انه يحجر على راى الاخر ويضهده ويعمل من اخطائه البسيطه وغالبا بسبب تصريحات مش فى مكانها وهوه يوظفها ويفهما بطريه غلط ويحاول يفهما للناس بالطريه الغلط دى ...
لازم الشعب المصر يشوف كل المرشحيين وافكرهم لحل مشاكل مصر الاقتصاديه والسياسه من غير اى تجميل او خداع لان المرحله دى الى هيتحدد بيها مصير مصر ...
وباذن الله مصر ينتظرها مستقبل مشرق نرضاه لابنائنا واحفادنا طول ما الشعب عينه على مصلحتها وبيدافع عن حقه وبيقف فى وش الطلم وبيقول للفساد لا
زى ما كانت مصر مش المخلوع مش هتكون البرادعى ولا العو والا حمدين ولا ايمن نور ولا عمرو موسى ..
مصر اكبر من كده ولو رئيس مصر كان يمسح احذيه ولكن يؤمن بالثوره واهدافها ستكون مصر على يده جنه
على فكره رئيس البرازيل سلفادا كان بيمسح احذيه

endSH هل سينتهى التحرش الجنسى

انا مش عارف بجد التدوين عن التحرش الجنسى ده ايه فيدته بس اهو فضفضه يمكن تنفع وحد يتغير ومنها برده تعبير عن رايى ,بس تعبير عن راى ايه هوه انا مستنى اعبر عن راييى انا اكيد رافضه واكيد كل ناس  هيقولو لا للتحرش .
واكيد مش بكتب التدوينه دى عشان ابين انواع التحرش واشكاله وطرقه الرخمه الرزله والمعاكسات الزباله الى الشباب الفاضى بيعملها .
طب سؤال : هل احنا نقدر نمنع التحرش الجنسى فى العالم ؟ طب فى مصر ؟طب فى القاهره ؟
وهوه ده الى هتكلم عنه 
بس الاول 
 قعدنا نتكلم فى حوار البنات بتلبس هدوم فظيعه والشباب غلبان وده كلام فكسان لا يودى ولا يجيب وكمان مبرر للشباب انه يزود من افعاله .....
بس الاول اجاوب على السؤال وهوه ان لا احنا مش هنقدر نمنع التحرش الجنسى ولا فى العالم ولا فى مصر ولا فى امريكا .....ومش هنقدر حتى لو جبنا 100 وثيقه وعملنا 100 مؤتمر او 50 قانون ان احنا نمنعه المشكله مش فى الكلام المكتوب المشكله فينا قصدى فيهم هما (البنات)
لو جينا ندور عن المراه فى العالم هنلاقى على عكس ما عرفيين من حقوق انسان وكلام من ده هنلاقيها بتوصل انها تتباع فى اسيا وكمان اطفال واتجار بالبشر ....

يعنى الحل مش فى اديا عشان اقول هاتو الواد الى تحرش ده ؟ طب وانا مالى ؟
المشكله مش نقص قوانيين المشكله فى البنت المصريه الاموره الخجوله الى عندها كل حاجه عيب الى بتتكسف تقول كلمه لا ....هما دول اصل المشكله 
طيب وايه زنب البنت هيه معلهاش حاجه هيه اتربت فى مجتمع مش متعود انه يسمع فيه صوت انثى ومعتبر ان صوتها عوره واحسنلها تفضل قعده فى البيت .....
مجتمع واطى يكيل بمكياليين الرجل حر ولو راجل عمل حاجه عادى لانه راجل ولو انسانه عملت نص الى عمله هتلاقى المجتمع من اول شارعها لحد عمارتها وكمان جوه بيتها بيبصلها بنظرات احتجاج وعايز يقلها انها عار علينا لانها بس انثى .......
يبقى مشكلتنا مع المجتمع ده مشكلتنا مع الفكر الراجعى الى الانسان الشرقى بيبص بيه للمراه على اساس انها حيوانه يتسلى بيها وبعدين يرميها .....

بس مين الى بيتحرشوا بالبنات ؟؟؟
انا معرفشى واحد سنه كبير واتحرش بواحده هتلاقى معظمهم شباب وكمان مش اى شباب ده اوسخ انواع الشباب ياما واد سيس معاه عربيه بباه جيبهاله يكسر على بنت سايقه فى الطريق ياما واحد ضايع بيشرب وياخد حقن يعنى نوعيه خاصه من الشباب هما الى بيعملو كده وده طبعا بعكس النوعيه المحترمه المتعلمه وتحتها ميت خط الى دارسه وفاهمه ونادرا ما تلاقى طالب خريج جامعه وكليه محترمه بيعمل الافعال دى 

والحل ايه مع الشباب دول ؟؟؟؟
زى ما قلت ان احنا اصلا مش هنقدر نمنعه لان الطرفين المجنى  و المجنى عليه بيتنكروا من الى حصل ياما الجانى واكيد المجنى عليها ....
وزى ما قلت المشكله مش فى القانون ..بس لو الشاب الى بيتحرش ده عرف ان فيه قانون رادع وشاف واحد خد عقوبه مغلظه لانه تعرض لواحده سواء لفظيا او جسديا 
اكيد هيقلل الى بيعمله ليقابل واحده من الى مبتسكتشى او مبتخفشى من نظرت المجتع ليها وتقدر توديه فى داهيه .....
يعنى الخلاصه :
لازم نصحح نظره المجتمع للمراه 
وبالتالى هتاخد ثقه فى نفسها 
وبالتالى هتقدر تقول انا اتحرش بيا وتقدر تقدم بلاغ بكده 

وكمان 
نغلظ القوبه هنلاقى ان الصايع ده هيفكر ميت مره قبل ما يعمل كده

امته نسبه 2% من الى بيتحرش بيهم هتوصل تبقى 100% ؟؟؟؟
اكيد الاسهل ان احنا نمشى بنات حواء لكوكب الزهره اسهل ونسيب الرجاله قاعده على الارض
يرت ياجى اليوم ان البنت متكسفشى من المجتمع وتقدر تقدم بلاغ انها اتحرشش بيها ؟؟؟؟؟؟؟؟؟؟؟

حاسوباتى just graduated

النهارده وفى هذا اليوم الجميل .وبعد 15 سنه امتحانات .واربع سنيين وجع دماغ وشيتات وشفوى وعملى ومشاريع وامتحانات .
خلصت اخر امتحان فى سنه رابعه وبقيت خلاص فاضى .
ياه مش فاكر من سنه اولى فى كليه الحاسبات والمعلومات جامعه المنصوره الا شويه حاجات طشاش خلاصتها
انى كنت مقضيها ولا بروح الكليه ولا محاضرتها ول ابعرف شكل دكاتره اصلا ويدوب كنت بكتب اى كلام فى ورقه الاجابه يعنى كانت سنه صياعه وزمايل واصحاب من نفس النوعيه والحصيله .تكبير دماغ يمكن عشان مكنتش حاسس بقيمه الكليه كنت فى سنه اولى حاسس انى انا مش مكانى هنا والى زود الكلام ده الدكاتره والمعيدين الى كنت بحس انهم اغبيه او بدمرونا وحسسونا ان احنا مش هنفرق اتخرجنا ولا لا ,يمكن عشان مكنتش بحس ان بتعلم حاجه مفيده ويمكن عشان مكنتش عارف ان حاجه عن الكليه دى اصلا يكمن عشان التنسيق هوه الى جابنى (مشكله العصر لابد نشيل التنسيق ده )
وبعد ضياع جات النتيجه فى الترم الاول وانا بقلها وكلى فخر بجد ان كل المواد بتاعتى كانت لونهااصفر والى ميعرفشى يعنى ايه اصفر هقوله المفروض النتيجه يبقى لونها ابيض ده بقى نتيجه البيض يعنى كل المواد فاشل فيها 
والنتيجه كانت عباره عن 5 مواد كلهم يا اما ض او ض ج او رن او * او مقبول(وهيه كانت ماده وحده مقبول ب 53 وكانت البرمجه)
عشان الدرجات دى بقيت خبره ومرجع فى درجات الرفع 
وكانت بعد البحث انى لابد انجح الترم الجاى صافى عشان احتمال اعدى بمدتيين 
وخلاص قلت فى الترم التانى بتاع سنه اولى انى لابد ازاكر شويه ومع اصحابى والشله كانت النتيجه ستبوء بالفشل ولكن بسبب سهوله الدكاتره الى حد ما وشويه تركيز نجحت
بس يوم النتيجه ده كان يوم معفرت مكنتش عارف شكلها ازاى ولا لو دبلرت وعدت ايه الى هيحصل ولا كان شكال حياتى هيبقى ازاى .
ولكن الزمن ضحك وعدت اليله على خير فرحت جدا تخيل واحد يبقى معاه مدتيين وفرحان اكيد مكنشى حد فى الدفعه عنده الاحساس ده غيرى .

وفاتت سمه اولى وعديت لتانيه بالمدتيين بس مش فاكر شكل تانيه ولا اى حاجه عنها الا دكتور كان قرفنا وكان بيحب دايما يكلم البنات ومطنشى الرجاله كان بصراحه بضنى وباضن الدفعه (الدكتور ده اتحقق معاه بعد الثوره عشان مشاكل ماليه د  م ابوسوسو)
وعدت مواده وكانت مدتييت تقريبا مفيش سنه فى الكليه او ترم مدناش فيه غير اخر ترم فى رابعه عشان احنا شلناه بعد الثوره
وكانت شويه مواد صعبه ومكناش عارفيين احنا بناخدها ليه وايه فايدتها نسيت اقولكو انا شلت ايه فى اوله (انا شيلت فيزياء ومادع علوم حاسب وده تخصصى دلوقتى انا فى قسم او تقريبا خريج علوم حاسب)
وعدت المواد والمتحانات والدكاتره الكويسين والحلوين ومعيدين كويسي زى د سيد فؤاد ومظ وليد العدروسى كانو احسن دكتوريين بشفهم فى الكليه وبعدين عرفت انى عندنا معيدين كويسسي كتير .
وفيه معديين زباله كتير .
وعدت مواد الداكتره البيضان والهبل الى كنو اصلم تجاره وكانو بيدو عندنا فى حاسبات (وفعلا كان داكتره ومواد تجاره بجد) لما زهقنا
وخصوصا فيه دكتوره او الحاجه كانت بتدينا اسمها عزيزه كوكانت عزيزه عزيزه يعنى ولا بتشرح ولا بتفهم تقريبا كنا بنحس انها اصلا مش فاهمه وعدت سنه تانيه بامتحانات التخلفات والمود الى معايا وفى امتحان الفيرزياء الدكتور كان عايز ينجحنا مع انى معرفشى شكله حتى بس كتبتله فى اخر ورقه الاجابه نجحنى يا دكتور وفعلا نجاحنى وكمان ماده علوم حاسب كان فيها دكتور طيب جدا الى درجه ممكن تقول عليها عبط ونجحنا برده بس كان محبوب وانا كمان بحبه مش بكره .
نسيت اول انى انا فى سنه اولى كنت حاسب درجات الرفع بتاعتى وكانت الكليه ادتنى فوق درجات الرفع بتعاتى يعنى انا مديون للكليه بدرجات بجد .......
وعدت سنه تانيه بدون شيل او مواد معايا وقلت اخيرا هعيش من غير شيل

جات بقى مرحله اختيار القسم
والى ميعلرفشى الكليه اختيار القسم ده من 3 اقسام مش هلك فيه لانهم قسم ادبى (نظم معلومات للبصمجيه) وقسم علمى (علوم حاسب الى دخلته )وقسم حلبنتيشى (تكنولوجيا معلومات)وهوه قسم مهجن كنت احتمال اخشه بس فى الاخر رحت علوم حاسب واجرى على الله

ودى سنه تالته بين ضيوف على الكليه وشفنا بقى المواد الرزله بجد وانصح اى واحد ان يخش القسم ده عشان يشوف القرف الى احنا شوفناه ومن تقل المواد بس بقيت تحس انها مواد مفيده وهتستخدمها بس فيه مواد رزله مش مفيده او مش هتهتم فيها فى مجالك
وكان برده دكاتره ومعيدين حلوييين وزباله
بس انا خلاص قررت اجتهد وكان ده بمساعده اتنيين من احسن اصحابى واحد اسمه حسام راضى بيقول دايما عليا غبى والتانى حبيب قلبى وفلزه كبدى احمد عاطف ودايما انا بستندل معاه وهوه يقول عليا انى ندل
زاكرنا سوى ونجحنا سوى طول السنه الرزله الى كان ارزل حاجه فيها ماده نظم التشغيل os
بس عشان يمكن دكتورها موضه فديمه من زمان قوى من زمان ال c
بس هوه اول واحد كان عايز الطلبه تفتح وتقرا كتاب 1000 صفحه وتقريبا نحج بنسبه 50  %
بس كان مصعبها علينا بس عدت وهوه دكتور خريج فنيه عسكريه ودايما مكنشى بيقوم من مكانه ومشهور عنه انه ده بيصقت يعنى هنلبس هنلبس وكل محاضره يعمل امتحان ولكن فى الاخر عدينا
وبعد كل النتايج الى شوفتوها دى نجحت فى سنه تلاته وكان تقدير
مش هتصدقو فى الترميين امتياز وكانت النتيجه الخلاصه امتياز وكنت كمان مرتب على الدفعه وكنت السادس ياه اخيرا رتيت وبقيت من العيال الدحيحه .

وبقيت فى سنه رابع سنه تكبير الدماغ سنه الجيد سنه الفراغ سنه انته هتشتعل ايه بعد ما تخلص
سنه سيبك من مواد الكليه وركز فى حاجه احسن تشتغل فيها من دلوقتى
وكنت حابب ان بعد 3 سننيي ميكروسوفت اسيبه بقى القرف ده وابص على الاوبن سورس
وشفت الينكس وقلت ادور فى c++
وفعلا عملت حاجه فى الينكس وزكرت RedHat مع نفسى وكمان c++
كمان ويتخللهم بعض البايثون وبيرل وبدات فى الاخر فى جافا وتقريبا هكمل فيها .
فاكر ايه من سنه رابعه ؟
مع انى لسه مخلصها النهارده مش فاكر منها غير وش مهندس محمد الدسوقى افظع معيد تقريبا هيبقى دكتور السنه الجايه وده كان هبلنا بجد
كان مخه جامد او لاسع عليه كلام وتصرفات بس بصراحه كنت بحب سكشنه وكنت بحبه وكان زى اى معيد يفضل مطنشى العمل للاخر ويوقم جاى ملبسنا فى الحيط وكله يخلص فى اسبوع وبرده كان فى الاخر يجيب التاسكات معموله وكمان يجيب اسطوانات نسلم عليها شوفتو الكرم
كانت سنه يمشى عليها مقوله الى تخاف منه ميجييش احسن منه
كانت ندخلن نمتحن ننفشخ بالمعنى الدراج وتعدى الماده وقشطه يعنى
كانت فى مواد تبقى خايف منها وتلاقى نفسك جايب امتياز فيها
بوعدت سنه رابعه وخلاص دفعت 2007 اتخرجت او لسه فاضيلها سنه وتتخرج
ده عباره
عن ملخص بسيط جدا لربع سنيين من  مواد ودكاتره وكليه بخصوص الطالب انا
من غير اى لقب تانى من غير وليد الى اتغير فكره 1000 درجه وبقى بتكلم فى السياسه وفى الاخر بقى ليبرالى
ومين عالم بكره هيبقى ايه
ده ملخص 4 سنيين
انا مفيش حد فى كليتى بكره كلهم بحبهم واخواتى
انا اخيرا طلعت من مرحله الانتحانات لسه مرحله الشغل واول حاجه هوه المشروع الى هفضل فيه شهر وبعديه هبقى خريج رسمى
هتوحشينى يا درجات الكليه ويا معاملها
هتوحشينى يا فتره فى حياتى عدت خلاص

===========
كلمتيين للزمن
انا مفيش تقدير فى الكليه مجبتوش من اول رن يعنى راسب نظرى لحد امتياز شيلت مواد وطلعت فى ترتيب على الدفعه بقول الكليه بتاعتنا دى كليه سهله المشكله فى لبختك وعدم تنظيمك وعدم معرفتك انته عايز ايه ححد هدفك بجد ده الى هينفعك  عايز تشتعل فى حاجه ركز عليها من البدايه
متخليش نفسك تقعد تجرب كتير اوى جرب سنه واشتغل فى المجال الى اختارته طول 3 سنيين فى الكليه هتلاقى نفسك بقيت كويس جدا

413 مبنى البدراوى النهارده

تحاورنا قليلا اليوم عن مواضيع كتيره واولاها
خالد منتصر بشان كلمه "ما دخل الله فى السياسه"
وكانت اجابه دار الافتاء انها اساءه  ومن قصد ان شريعه الله لا تصلح للحكم بين البشر يصبح بها كافر ..
ومن لا يرضى بحكم الله اكيد يبقى كافر مش محتاجه زكاء ودار الافتاء قالت لو كان يقصد ؟ نبقى ندخل بقت فى نيته ......

وبخصوص العدل وايه هيه الدول العادله فى العالم كنا بنقول هات مثال بس المشكله يعنى العدل ايه من ويكيبديا
  يقصد بيه الانصاف وتدى للاتين نفس كل حاجه فى الدفاع وبكده بقى كل محاكم العالم ناصفه عادله يا اكرم وبعد 

ناجى لحاجه اسمها الستى
وتعنى ان فيه ناس هبل بعد ما الراجل يموت يروحو يولعو فى مراته فى الهند
والموضوع ده كان بيتكلم عن حقوق الانسان تقريبا او برضه تبع العدل بس الموضوع ده جرم وانتهى الخلاف بقى كان انه لسه موجود ,

اليبراليه والخلاف الفكرى انته بتقول ان فيها تحرر وحجات وحشه وانا بقول ماله التحرر وخلى الناس تختار المشكله بينها وبين بعض الاسلاميين فى الاختيار وهى انها تختار وتؤيد راى الاغلبيه مهما كان ولكن بعض الاسلاميين يرفضونها لان لا اختيار يخالف الشرع وهو ما تسمح به ....
وكمان ايضا تختلف مع الديموقراطيه (ايوه مش شرط راى الاغلبيه يبقى صح ده كلام حسن نفعه وده تاليف وهبل) بس مش شرط الاغلبيه كسبت يبقى الاقليه تروح فى داهيه وتعيش تحت ديكتاتوريه الاغلبيه فيه حقوق للاقليه لابد ان تحفظ مهما كان راى الاغلبيه او ايا كانو ..............

موضوع العادات والتقاليد
الى اليبراليه بتمشى عليها داخل المجتمع
 يعنى مينفعشى فى مصر واحده عندها 18 سنه تسيب البيت وتروح تمشى معboyfreind
بتاعها ده ممكن يحصل فى امريكا لان ده عادى عندهم مش فى دول شرقيه

اليبراليه ليس لها مرجعيه ريداكاليه ولكنها تتغير فى اطار المحافظه على حريات وحقوق الانسان والمساواه وتسعى الى تحرر الانسان من القيود ايا  كانت هذه القيود
نجدها تتدعم الرسماليه فىاليبراليه الكلاسيكسيه
او تتجه الى الاشتراكيه للتدعم الانسان من سيطره المال والبطاله والصحه والامر التى لا يقدر الافراد على اقيام بها فتتولاها الدوله فى اليبراليه الاجتماعيه


===============================================
توقيع : وليد ال مش سلفى او اخوان بس

تركيا والعداله والتنميه

مفيش حاجه اسمها نموذج اقتصادى اسلامى تركيا اتبعته وبقت بيه دوله اقتصاديه كبيره ...ده كلام غلط الاقتصاد التركى من wikipedia========================ركزت فيها الدولة التركيه على الصادرات وأزالت القيود على الواردات وفتحت الباب للاستثمار الأجنبي. قامت الحكومة في السنوات التالية بتشجيع خصخة القطاع العام ودعمت القطاع الخاص. عانت البلاد في 1994، 1999 و2001 أزمات اقتصادية حادة مما أدى إلى انهيار الليرة التركية إلى أدنى مستوياتها وزيادة نسبة التضخم بشكل كبير. وبعد كده اقتصادها زاد عشان خدت سصفه دوله مرشحه للاتحاد الاوروب وودت من الخصصخه والصادرات ........يعن معتمدوش بقى على اقتصاد اسلامى .....وتانى مشكله الاسلاميين انهم يحبو الالفاظ وخلاص تسال يعنى ايه اقتصادد اسلامى يعنى راسمالى ولا
اشتراكى يقولك اى اقتصاد مفهوش ربى ....البلد عايزه ناس بتفكر بصوا لتركيا الاول وشوفو اقتصادها
===================================
المشكله فى الالفاظ وده الى الناس بتختلف عليه يعنى الاسلاميين يختلفو على مدتيه ولا ذات مرجعيه اسلاميه ,كمان اليبراليين دول كفره والا شيوعيين كمان كفره وشاغليين الناس بالمواضيع التافهه دى .
يريت تفهم الشعب يعنى ايه حزب سياسى ويعنى ايه دوره فى الحياه السياسيه وبرنامجه الانتخابى الى المفروض انا ارشحه بسببه وانتظر منه نتيجته مش انتخبه عشان بس انه بيقول انه اسلامى ولا بيكفر الناس التانيه


====نعلم الناس يعنى ايه اقتصاد يعنى انتو عايزيين راسماليه ولا اشتراكيه يعنى عايزيين الدوله برلمانيه وراسماليه
مش يستغلو جهلهم ويضغطوا على وتر الدين بقوه حتى نستيقظ يوما على فتنه طائفيه واوكنيسه محروقه
.انا اخاف من استخدام هذا الوتر الحساس ويجب ان نمنع الاخريين من استخدامه من اجل دوله ذات تناسق احتماعى كما مصر دائما نجد جرجس صديقا لمحمود ومينا يلعب من ابن ام جورج


==============================
تجربه تركيا تجربه ناجحه ومحترمه وتستحق ان تكون قدوه لدول مثل مصر وحزب العداله والتنميه الاسلامى مثال للاحزب الاسلاميه المحترمه التى حققت برنامج اقتصاديا واعيا مثل ما قامت به ماليزيا


مصر تحتاج احزاب مثل العداله والتنميه واحزاب ليبراليه واحزاب يساريه مصر تحتاج الجميع ولكن لا يحكر بعضهم على بعض او يتحدث بانه الافضل لمصر من بين البقيه ويفرض على الشعب نفسه عند وصوله للحكم واستخدامسلطاته عندها لحجب الاخريين

الشّامل في مدونات اللغة العربية: Explorations in degrees of alegrias

الشّامل في مدونات اللغة العربية: Explorations in degrees of alegrias
TD

الدستور اولا ...........وليه ؟

نحن شباب الجمعية الوطنية للتغيير نطالب المجلس الأعلى للقوات المسلحة أن يصدر إعلانا دستوريا بتشكيل جمعية تأسيسية تمثل كافة طوائف الشعب المصرى لوضع مشروع دستور جديد للبلاد قبل انتخابات البرلمان المقبل ، ونحن إذ نعبر فى ذلك عن رغبة الشعب المصرى التى نادت بها جموعه الحاشدة فى مظاهرات يوم الجمعة 27 مايو 2011 إنما نستند فى ذلك إلى مايلى .:

1-    أنه من المنطقى والبديهى والمعقول بالفطرة أن وضع قواعد البيت سابق ومقدم على إقامته . قال تعالى " وإذ يرفع إبراهيم القواعد من البيت وإسماعيل ، ربنا تقبل منا إنك أنت السميع العليم " ( البقرة 127) ، ومن شأن إقامة البناء  السياسى على قواعد مؤقتة ( الإعلان الدستورى ) ثم إعادة صياغة القواعد مرة ثانية بوضع الدستور الدائم ، من شأن ذلك أن يدخل مصر فى متاهات من  تشكيل و إعادة تشكيل المؤسسات وفقا للقواعد المؤقتة أولا ثم القواعد الدائمة ثانيا ، وما أغنانا عن ذلك إن اتبعنا منطق الأمور على استقامتها بوضع القواعد الدستورية أولا ثم إقامة المؤسسات على هديها.

2-    أنه من غير المقبول سياسيا أو دستوريا أن تستأثر بتشكيل لجنة وضع الدستور القوى السياسة التى ستمتلك مواقع التأثير فى  البرلمان المقبل ، لأن الدستور وثيقة توافق وطنى لا يجب أن تنفرد بها أغلبية حزبية ، ولأن الأغلبية الحزبية اليوم قد تكون أقلية غدا أما الدستور فوثيقة دائمة، ولأن الجمعية التأسيسية لوضع الدستور هى أعلى فى المرتبة من السلطات التى ينظمها الدستور ومنها البرلمان فكيف يكون تشكيل الهيئة الأعلى بواسطة هيئة أدنى ؟ ( حكم المحكمة الدستورية العليا فى القضية 13 لسنة 15 قضائية )

3-    أن إعطاء أعضاء البرلمان المقبل سلطة تشكيل الجمعية التأسيسية لوضع الدستور فيه مصادرة على مضمون الدستور المقبل : فكيف سيقوم برلمان نصفه من العمل والفلاحين بتشكيل لجنة قد تلغى نسبة العمال والفلاحين ؟ وكيف سيقوم مجلس الشورى بتشكيل لجنة قد تلغى وجود مجلس الشورى ؟ هذا كله فى غيبة أية ضوابط دستورية حول معايير تشكيل جمعية وضع الدستور الجديد .

4-    أن ما يتذرع به البعض من أن تشكيل جمعية وضع الدستور قبل انتخاب البرلمان يتعارض مع ما وافق عليه الشعب فى الاستفتاء من إضافة المادة 189 مكرر إلى الدستور والتى تنص على  أن الأعضاء المنتخبين بمجلسى الشعب والشورى هم الذين يشكلون هذه الجمعية مردود عليه بما يلى :

أ‌-   أن نتائج الاستفتاء على تعديل الدستور فيما يتعلق بمنهج وضع الدستور الجديد   لم يتم تبنيها تماما بواسطة الإعلان الدستورى ،  فعلى حين أغفل الإعلان النص على الفقرة الأخيرة من المادة 189 التى أضافتها التعديلات ووافق عليها الشعب والتى تشترط أن يكون وضع الدستور الجديد بناء على طلب رئيس الجمهورية بعد موافقة مجلس الوزراء أو نصف أعضاء مجلسى الشعب والشورى   ، تبنى الإعلان  فى مادته رقم 60 نص المادة 189 مكرر من التعديلات  التى توجب على الأعضاء غير المعينين بالبرلمان تشكيل لجنة لوضع الدستور الجديد فى إطار زمنى محدد دون إحالة إلى المادة 189 التى أغفلها الإعلان ، مما يكشف عن أن الإعلان الدستورى قد تعامل مع نتائج الاستفتاء على التعديلات بطريقة انتقائية وأن مصدر القوة الإلزامية لنصوص الإعلان ليس مرجعها موافقة الشعب عليها وإنما صدورها عن المجلس الأعلى للقوات المسلحة .

 ب –أن مؤدى الاسستفتاء على التعديل والموافقة عليه  أن يعود دستور 1971 إلى النفاذ بنصوصه المعدلة وغير المعدلة ، وهذا لم يحدث بل جرى إلغاء الدستور بأكمله واستبدل به الاعلان الدستورى الصادر عن المجلس الأعلى للقوات المسلحة .

ج -أنه لو قلنا بأن بعض مواد الإعلان الدستورى تستمد شرعيتها من موافقة الشعب فى الاستفتاء عليها والبعض الآخر من صدورها عن المجلس الأعلى للقوات المسلحة دون استفتاء ، لكان هذا مبعثا للتمييز والاضطراب فى التعامل مع نصوص الإعلان الدستورى . ولتحقيق الاتساق بين مواد الاعلان فلا بديل عن التسليم بأن الاستفتاء الشعبى على بعض المواد كان مصدرا استئناسيا استرشاديا للمجلس الأعلى للقوات المسلحة ، وأن كل نصوص ومواد الإعلان الدستورى تستمد قوتها الملزمة من صدورها عن السلطة صاحبة السيادة التشريعية والدستورية وهى المجلس الأعلى للقوات المسلحة .

فلكل هذه الأسباب السياسية والقانونية فإننا نطالب المجلس الأعلى للقوات المسلحة أن يصدر إعلانا دستوريا تكميليا يعدل به المادة 60 من الإعلان الدستورى القائم وينص على تشكيل جمعية تأسيسية لوضع الدستور الجديد قبل انتخابات البرلمان القادم . وعاشت مصر وطنا للحرية والديموقراطية والعدالة الاجتماعية .

شباب الجمعية الوطنية للتغيير .

غاز مصر لاسرائيل ???????????? ليه !!!!!!!!!

اولا طز فى اسرائيل وطز فى مبارك الخائن العميل وطز فى حسين سالم ابن الكلب ده 
.وبعد ده ليه الغاز المصرى بقى بيصدر فى اسرائيل 
الغاز المصرى رجع يصدر لاسرائيل من امبارح ؟
تجاهل كل المصريين ورغبتهم ده مش مقبول حتى من اى حد .
كان زمان كنا بنقول مبارك وحسن فهمى وحسين سالم .
وهما التلاته راحو فى داهيه 
ليه بقى لسه الغاز ده بيصدر لاسرائيل .من الى لسه موافق من غيرك يا مجلس يا عسكرى يلى قرفنا .
ليه بتصدر ليهم الغاز ليه احنا بنوطى ليهم رسنا . ليه مش قدريين نمنعه خلاص ده بقت عاده ولا الغاز ده اصلا ملك اسرائيل .
لو انتو مش قادريين تقولول لا امشو وفى مليون واحد عندهم استعداد يجوعوا عشان الغاو بتعنا ميرحشى اسرائيل .
مش يبقى عندنا ازمه كمان والغاز بتعنا يرحلهم ينتجوا بيه كهربتهم ويستخدموه فى مدنهم . 


الحكومه المصريه بتاعه عصام شرف دى بتهزر بقت بتطاطى كتير .
مش هيه دى الحكومه الى رئيسها خد شرعيته من التحرير .
فى خيانه بتحصل من جوه السلطه ولا احنا عارفيين نرجع فلوسنا ولا احنا عارفيين نحاكم حد . خلاص الكيل طفح .


امبارح السلطه السويسريه ودت حسين سالم (كان موجود هناك واتقبض عليه من يوم الاتنين الى فاتزكانت حطاه تحط الاعتقال المنزلى ومنعاه من الاتصال بالخارج)
ودته المستشف عشام عيان 
امته السلطه هطالب بانها تاخده تحاكمه ولا هيفرطه فيه وكمان هيفرطوا فى فلوسنا بره .
الحكومه دى لو اعتمدنا عليها هنفضل زى ما احنا ومش هناخد حاجه خالصه .


على فكره المستفذ اكتر ان حسين سالم البيه جايب محامى اسرائيلى ده مش يتحاكم بسبب السرقه ده كمان يتحاكم بسبب الخيانه العظمى .
وكمان المحامى ده بتاع نتنايهو .
وشوف النصيبه الاكبر انه دخل تصدير الغاز لاسرائيل ضمن معاهده السلام بتاعت كامب ديفيد شوفوا لنصيبه والخراب ده كله .
 البلد كانت غرقانه ولسه غرانه وهتفضل غرقانه طول ما الحكومه والمجلس العسكرى ده مش راضى يحاكم الحرميه وبيدارى عليهم .
يا عصام يا شرف يا مجلس يا عسكرى يا مشير انتو خلاص معدتوش تنفعو تملكو البلد . ايه البطىء ده فى كل حاجه اى الهبل ده.
عايزين الغاز بتاعنا وعيزيين فلوسنا وعيزيين حقنا من الى قتلونا فى الشوارع .
لو مش هتعرفو تحيبوا حقنا . ممكن تروحو فى داهيه 


خلاص طفح الكيل

المحروميين من الترشح

مين الى هيترشح فى النتخابات الجايه .
ومين الى محروم من الترشح فيها .
جاوب على الكلام ده د فريد زهران من مؤتمر الوفاق الوطنى 
والى المؤتمر اصدر توصيات بكده . 
وكان رد اعضاء الوطنى المنحل بان ده ينزر بحرب اهليه 
وانا بقولهم حرب تقليه ايه ؟ ارحمونا بقى بغبائكم الى كنا بنشوفه وفضايحكم جوه المجلس وقوانينكم الفكسانه .

وكان من ضمن اجابه د زهران ان احنا منقدرش نظلم ونستوى بين عضو زى مبارك رئيس الحزب وعضو معاه بطاقه الحزب الوطنى .
بعنى منقدرش نحرم 2 مليون مصرى من الترشح .

بس الحرمان هيبقى على مين 

1- هيبقى ضد قيادات الحزب الوطنى زى امناء الحزب الوطنى وامنائه فى المحافظات والمراكز زالمحليات ودول عددهم الفيين واحد دول شاركو فى تزوير اراده الشعب وكانو فكريين انهم بيكلو براس الشعب حلاوه.

2-  وكمان اى مرشح مش شرط من الوطنى واتهم باهدر المال العام او تزوير الانتخابات(حتى لو منجحشى !!) او قمع المتظاهريين زى الى حصل فى موقعه الجمل وكمان دول هيتحقق معاهم جنائيا 

3- كل الى نجح وصدر ضده حكم بتزوير الانتخابات 

4- قيادات الاحزاب الكرتونيه الى النظام كان بيعدهم عشان يبقو معارضيين .
5- الاعلاميين بما يتعلق بتزويره اراده الشعب وتساده للمجتمع والناس ببس افكار فاسده للدفاع عن شلاعيه النظام السابق 
زى المهازل الى عملوها ايام الثوره ضد المتظاهريين فى التحرير وكان سببها وقوع معركه الجمل وكره الناس ليهم بسبب اكاذيب وجود اجانب ايرانيين واسرائليين وفلو س يبتتوزع جوه .


كل الانواع دى لابد نحرمها من المشاركه فى 5 سنيين الجايين عشان ميستخدموش نفوذهم او يتسببوا فى  تغيير مسار البلد وحمايه انفسم من المساله امام القانون .

يريت فعلا الحكومه تاخد بالتوصيات دى لانها هيتريحنا وتوفر كتيير هعلى البلد 

زى النهارده من 44 سنه

إن «اعترافكم بالدولة الصهيونية إعلان حرب على العرب والعالم الإسلامى. وإن اتباعكم لهذه السياسة الخادعة الملتوية هو انتهاك لميثاق هيئة الأمم والحقوق الطبيعية للإنسان وحق تقرير المصير، وسيؤدى حتما إلى إثارة عداء دائم نحو الشعب الأمريكى، كما سيعرض مصالحه الاقتصادية للخطر ويؤدى بمكانته السياسية، فنحملكم المسئولية أمام العالم والتاريخ والشعب الأمريكى»

 هذا الكلام كان عباره عن خطاب وجه الشيخ حسن البنا مؤسس جماعه الاخوان المسلميين الى رئيس امريكا هارى ترومان بعد يوم واحد من اعلان دوله اسرائيل فى 15 مايو 1984 و

واشتركت دول عربيه وفصائلكثيره من المدنيين فى الحرب الى جانب الجيوش العربيه 

ومن ابطال هذه الحرب البطل احمد عبد العزيز (يطلق اسمه على شارع فى القاهره يحمل اسم شارع البطل احمد عبدالعزيز)

فهوه بطل بانتصاراته وحماسه فى حرب فلسطيين فقد ترك الشرطه وانضم للمدنيين المتجهيين لفلسطيين وعينه الملك قائد كتيبه المدنيين التى وصلت فلسطيين قبل الجيوش العربيه ومهدت الطريق للجيش المصرى  كما ساعد الجيش الاردنى فى عملياته فى الضفه الى ان صار يفصل بينه وبين القدس 1 كيلو ولكنه فى طريق عودته مع احدى مفوضات فى الاسرائليين ليلا قتل (يقال بطريق الخطا)

 ثم توالت الهزائم وانتهت الحرب بانهزام العرب واحتلال فلسطيين  الى اليوم 

لن نتكلم اليوم عن احتلال فلسطيين العربيه الى الابد  ولكن عن هذا اليوم وهذه الهزيمه الثانيه باحتلال اسرائيل بعد الهجوم الغادر على سوريا  ومصر كلا من سيناء والجولان فى سوريا

فليرحم الله هؤلاء الشهداء التى اخطلتت دمائهم برمال سيناء الطاهره 

فليرحم الله مينا وحمد الذيين ماتو فدائا لارض الوطن 

على  الرغم من مرور 44 سنه على النكسه لكن انا بحس ان اليوم ده جزء من تاريخ مص ومن الاوقات العصيبه الى مرت بيها وكان ليها تاثير كبير على المصريين .

لازم فى اليوم ده نفتكر ان اسرائيل وامريكا دول لا تسعى الا لمصلحت نفسم وتعطيل الاخر عن التقدم والتطور . 

مش طبيعى ان دوله زى اسرائيل دى تبقى حبيبتنا ابدا او نطبع معاها العلاقات واخوتنا فى فلسطيين محتليين منها بقلهم 60 سنه ومش عارفيين نرفع شماعه ندافع بيها عنهم وسيبنهم فريسه ليهم .

لازم كلنا بعد الثوره نرجع تاثير مصر على سياسه المنطقه ويبقى لينا صوت مسموع مش نمشى ورا كلام اسرائيل زى الخائن لمصر مبارك الى كان كنز اسرائيل والمدافع  عنها

لازم قضيه القوميه العربيه دى تبقى اهم شغل لينا 

تخيلو لو 22 دوله عربيه بقوا ليهم سوق واحد مشترك وعمله واحده واقتصاد واحد ساعتها هنقدر نضغط على كل العالم ونزيل كلمه اسرائيل دى من على الخريطه 

لازم نفتكر نكستنا الى عايشنها فى الدول العربيه ومش شرط احتلال .

نكستنا من رؤساء بيخونو بلادهم ويقتلو شعوبهم زى القزافى فى ليبا وعلى عبدالله صالح فى اليمن وبشار الاسد فى سوريا وملك البحريينوزى ملك السعوديه وعيلته الحا كمه المتحكمه فى السعوديين ومش قادريين يرفعوا راسهم من تسلطهم .

دول نكسه العربيه ومشكلتهم لو قدرنا نخلص البلاد منهم هتبقى ممه تحرير فلسطيين ابسط من ما يمكن

موازنه 2011-2012

الموازنه العامه والحد الادنى للاجور وكمان حصه وزاره الصحه من موازنه 2011-2012
كان بيدور حوليه النقاش وكان عليها نقض كتير بس الى انا شايفه انها مش عجبانى ومجبتشى جديد عن اى موازنه تانيه 
 يمكن عشان انا مبفهمش فى الاقتصاد ؟
بس الى اعرفه ان لسه نسبه الصحه 3.5% ودى نسبه زباله فى الدول المحترمه 15 % شان كده بنلاقى المصرين بيدخلة المستشفى بيطلعو على نقاله (زى حجات تانيه كتيير بيدخلوها على رجيهم ويطلعو منها مدغدغيين زى اقسام الشرطه مثلا)
وكمان التعليم لسه نسبته وحشه .
وفلحيين بس يقولوا ان احنا زودنا حجم الميزانيه ؟. مش عارف بيزودوها ويدوها للحرميه المستثمريين يحطوها فى كرشهم ولا ايه
انا قرات موضوعيين عنها وده عنوانه فعل فاضح فى المال العام 
بس فيه كومنت كويس بس برده موازنه زباله 


الحاجه التانيه موضوع الحد الادنى لاجور وده
 21606 رقمه وهوه موضوع كويس 
بس مين المهتم  بالعامل الى طالع عينه وفى الاخر بياخد ملاليم 
ولا المستشار الى بياخد 200 الف والموظف الى الكحيان الى بياخد 500 جنيه 
يعملو ايه دول فى الزمن ده ياما يبقى حرامى عشان يعيش ياما يموت هوه وعياله من الجوع .
واحنا عارفيين الى نسبه الى  تحت مستوى الفقر قد ايه فى مصر ممكن تكون وصلت ل60 % 

.ملعون ابو القانون الى يظلم العامل والمواطن كده ويخليه تحت رحمه المستثمر واستبزازه 
والله البلد فيها ناس حالها يصعب على اليهودى .
الناس دى عايزه حقوقها بعد الثوره .
لان دول هما الى هيعملو الثوره ف اقتصاد مصر 
خلص حوار  الموازنه بس 

=============================
فيه احداث فى البلد عايز تدوينات تانيه ان شاء الله بعد ام اجى النهارده من امتحان الى عليا (اخيرا بقيت فى سنه رابعه وهتخرج ..احمدك يارب)
احداث زى الكواطن الى مات امبارح قدام قسم الازبكيه بعد ما ضربوه (هما مين الى ضربوه ؟؟؟)
زكمان بكره هيوافق حدثيين كبار فى مصر الاول هوه 
زكرى نكسه 67 الى لا يرجعها ويرحم ابهاتنا واخوتنا الشهدا الى ماتو 
والتانيه 6 يونيو 67 2010 زكرى استشهاد خالد سعيد على يد ظباط الشرطه (يوم العالمى للوقوف ضد تعذيب الشرطه )وكمان بيصادف وفاه السواق الى قدام قسم الازبكيه .
سلاااااااااااااااااااااام