الحلم والواقع

حلمي الجميل الذي لا أتخلى عنه أن أرى شعبنا يستيقظ، أن يستيقظ شعبنا فيسترد وعيه وإرادته ، وأن يتملك قوته وسلطانه ، وأن يصبح مصدر السلطات ، وحاكم الحُكّام ، ومُحرّك الأحداث ، فيسود القانون، وتتقدس حقوق الإنسان، ويتلاشى الانحراف، وينطلق الإنتاج والإبداع، ليذهب عهد الأوصياء إلى الجحيم، فقد حل عهد ديمقراطية وحرية، كانوا أوصياء مزيفين. كانوا هم أنفسهم في أشد الحاجة إلى الوصاية والأوصياء.ـ

جربنا –قبل وبعد الثورة- الوصيّ العميل، والوصي الوطني الثائر، والوصي السياسي اللبق، فاختلفت النوايا، وتنوعت الأهداف، ولكن حقت الهزيمة والخطيئة على الجميع، لأن الوصاية الرشيدة لا تكون إلا للشعوب. في عهد الوصايا المتتابعة –قبل وبعد الثورة- استشرى الاستعمار، وضاع الاستقلال، ومُنّينا بالهزائم والفساد، وغرقنا في بحار القروض، وفَتَك الغلاءُ والإرهاب بالكرامة والأمان، ولولا التماعاتٌ من يقظة الشعب فرقت ومضاتها السماء المظلمة على فترات من التاريخ ما بُعثنا من المقابر ولا تصدينا للمقادر.ـ

انهض يا شعبنا العزيز واستيقظ. اسحق عادتك السيئة في تعليق سوء حظك بنظامٍ أو رجل. لا تنكر نصيبك من المسئولية مهما جل شأن الخصم أو بطشه. أنت مسئولٌ عن ضياع التجربة الديمقراطية الماضية. أنت مسئول عن فشل التجربة الاشتراكية. لولا صبرك ما تهادى ظالم أو تمادى طاغية. وَاجِه الحقيقة. وَاجِه الحقيقة واعترف واندم وتُبْ، واسترد حقك الشرعي، والتمس بكل سبيل، والله معك..

نجيب محفوظ
 29\9\1988

-----------------------------

مللت تكرار التاريخ, ولكن تتغير التواريخ و يبقى هذا الشعب كما هو .

اتنمى ان يكون هذا الجيل هو اخر ما يشهد تكرر التاريخ .

ونخرج من هذه الدائره المغلقه التى تنتهى بنا برئيس مستبد الى دائره الحريه ...

انا

3\11\2011

الاسلام من 100 عام

 تحوى هذه التدوينه مجموعه من مقتطات من حوارات بين علماء دين منهم الامام محمد عبده (مفتى مصر )1899-1905) وبين الشيخ جمال الدين الافغانى والشيخ رشيد رضا
 وقد وردت فى كتب الامام محمد عبده

الشيخ الامام محمد عبده

 وتجدونها فى الاعمال الكامله للامام محمد عبده  المجلد الثالث (تحقيق وتقديم دكتور محمد عماره )

ملحوظه : الكتابه باللون اللاحمر وردت فى الكتاب نصا كما هى

وما ورد بغير ذلك فهو منى

السلفيين :
تيار سياسى قادم من لمجلس الشعب له تاريخ قديم ولكن اقرب تاريخ مرتب به هو السعوديه والشيخ محمد بن عبد الوهاب
عرفهم الشيخ الامام فى هامش على انهم :
فرقه من فرق الاسلام وهم الذين جعلو النص سبيلهم الوحيد للاستدلال ,ورفضو تاويل لاى من النصوص التى جاءت فى القران واحاديث الرسول ,وينطبق هذا الوصف على الحنابله ومدرسه اهل الظاهر ..
ومن اقوالهم :
نعوذ بالله ان تذهب عقولنا الى غير ما ذهب اليه متقدمنا ,وارغمو عقولهم على الوقفه ,قيصيبه الشلل من تلك الناحيه .


الوهابيه :
هوه تطبيق للسلفيه ظهر فى القرن ال17 على يد الشيخ محمد بن عبدالوهاب وتحالف مع ال سعود وكونو المملكه السعوديه الاولى
الوهابيه قامو بالاصلاح ,ومذهبهم حسن لولا الغلو والافراط ,اى حاجه الى قولهم بهدم قبه النبى ؟! والقول بكفر جميع المسلمين ؟!والعمل على اخضاعهم بالسيف او ابادتهم ؟!نعم ..لا باس بالمبالغه فى القول او الخطابه لاجل التاثير بالترغيب والترهيب والتنفير ,ولكن ما كل ما يقال يكتب ويبنى عليه عمل..اننى كثيرا ما اتكلم بكلام فى مجلس المذاكره والخطابه لا احب ان يكتب وينقل عنى ,انما فائدته التاثير فى نفس المخاطب ...

اهل السنه والجماعه :
 مصطلح يدم فرق كثير من الفرق مثل السلفيين والاشعريين وغيرهم 
لم يسمع فى تاريخ المسلمين بقتال وقع بين السلفيين والاشاعره مع الاختلاف العظيم بينهم ,ولا بين هذين الفريقين من اهل السنه والمعتزله ,مع شده التباين بين عقائد اهل الاعتزال وعقائد اهل السنه سلفيين واشاعره ,
كما لم يسمع بان الفلاسفه الاسلاميين تالفت لهم طائفه وقع حرب بينهما وبين غيرها ,نعم نسمع بحروب تعرف بحروب الخوارج وكما وقع من القرامطه وغيرهم وهذه الحروب لم يكن مثيرها الخلاف فى العقائد ,وانما اشعلتها الاراء السياسه فى طريقه حكم الامه ,ولم يقتتل هؤلاء مع الخلفاء لاجل ان ينصرو عقيده ولكن لاجل ان يغيرو شكل الحكومه , وما كان من حرب الامويين والهامشيين فهو حرب على الخلافه ,وهى بالسياسه اشبه ,بل هى اصل السياسه.


تشدد الافغان :
من اكتر من 100 عام يتكلم الامام عن تشدد الافغان 
الم تحمل الينا الرواه ما عند علماء الافغان والهند والعجم من شده التمسك بالقديم والحرص على ما ورثوا عن ابائهم الاقربين, واقامه الحرب على كل من حاول ان يزحزهم اصبعا عما كان عليه سلفهم ,وان كان فى البقاء عليهم تلفهم,وما عليه اليوم فى حكومه المغرب من غلو فى التعصب والمعاقبه بقطع بعض الاعضاء فى شرب الدخان ,او بالقتل فى كلمه ينكرها السامعون , وان اجمع عليهما المسلمون الاخرون .


 واخيرا يتحدث الامام على علاقه المعتزله باهل السنه فيقول :
عمرو بن عبيد رئيس العتزله واشدهم صلابه فى اصول مذهبه ,وهو مع ذلك فهو من مشايخ الامام البخارى صاحب الصحيح ,فانظر كيف كان لامام من ائمه اهل السنه ان يصل سنده فى الحديث برئيس من روؤساء المعتزله ولا يرى فى ذلك بأسا؟..
وايضا
وعمرو بين عبيد رئيس المعتزله بين يدى الحسن البصرى شيخ السنه من التابعين يتلقى عنه ,وقد سئل الحسن عنه فقال للسائل (لقد سالت عن رجل كان الملائكه ادبته وكان الانبياء ربن=ته وان قام بامر يقعد به وان قعد بامر قام به وان امر بشىء كان الزم الناس له وان نهى عن شىء كان اترك الناس له ما رايت ظاهرا اشبه بباطن منه ولا باطنا اشبه بظاهر منه )
وايضا بين الحنفيه والشيعه الزيديه 
الامام ابا حنيفه يجلس امام الامام زيد بن على (صاحب مذهب الزيديه من الشيعه) يتعلم منه اصول العقائد والفقه , ولا يجد احدهم من الاخر الا ما يجد صاحب الراى فى حادثه ممن ينازعه فيه اجتهادا فى بيان المصلحه   
-------------
اردت توضيح ان : 
السلفيه ليس الاسلام 
انها فرق من الفرق الاسلاميه اساسها ابن تيميه 
جددها الشيخ محمد بن عبد الوهاب 
وجدت فى السعوديه بالاخص ...
الازهر الشريف لا يتخذ هذا المذهب ولكنه يتخذ راى الاشعريين 
وهناك خلاف دائم بين الاشعريين والسلفيين ولكنهم ينتمون جميعا لاهل السنه والجماعه ,..
العلاقه بين اهل السنه والشيعه والمعتزله ليس علاقه  حرب وتكفير انما كانت علاقه فقه وفهم للدين 
فكانو ائمه هذه المذاهب يتعايشون مع بعضهم ويتعلمون من بعضهم ايضا ...
بعض مرور 1400 سنه على هذا نجد المسلميين فرقا ..اسهل كلمه ينطقون بها هى انته كافر 
وحسبى الله ونعم الوكيل

علمانيه فرنسا والاسلام

ينص الدستور الفرنسى على علمانيه فرنسا
وتقول الفقره الاولى منه ان : 

فرنسا يجب أن تكون علمانية لا تتجزأ، جمهورية ديمقراطية واجتماعية. يجب أن يكفل المساواة بين جميع المواطنين أمام القانون ، دون تمييز بسبب الجنس أو الأصل أو الدين. يجب أن تحترم كل المعتقدات. وينظم على أساس اللامركزية.

يجب تعزيز القوانين فرص متساوية للنساء والرجال في المناصب الانتخابية والوظائف وكذلك لموقف المسؤولية المهنية والاجتماعية.
  

هل هذه الدوله العلمانيه كانت تمنع مسجد او تهدمه ومثلها تركيا بالرغم من علمانيتها
هل اثرت عل متدينيها واضهدتهم 


ولكن عندما تذكر فرنسا يظهر المتشددون ويتحدثون عن دوله تمنح الحريه مثل فرنسا ويتحدثون ويكانها السعوديه فى تشددها (وحاشا لله ان تكون فرنسا متشدده مثل السعوديه )
يتحدثون عن منع ارتداء النقاب فى الاماكن العامه ..
وهذا صحيح فرنسا منعت واصدرت قانون يمنع ارتداء غطاء للوجه ف الاماكن العامه 
ايا كان اسمه نقاب عند المسلميين او انسان (غير مسلم يخبء وجه خلف ساتر اسود )
حتى ف تشددها كما يطن البعض لم تتجنى على النقاب الاسلامى وقالت غطاء للوجه ايا كان ديانه مرتديه 

انته فاكرنى بدافع عن فرنسا  ؟لعلمك انا لا تهمنى فرنسا فى شىء ولا سياستها ولكن 
كاى انسان عادى بيدور على حقيقه وبيحب يشوف الدنيا من اكتر من ناحيه ولما 
شوفت  التعصب تجاه فرنسا وراى البعض فى انها دوله شديده العداوه  للاسلام وكانها
consprancy theory)نظريه المؤامره)
الى تفشت جوه المجتمع المصرى الذى اصبح يرى الدول الديموقراطيه الكبرى تترك طريقها السياس ولاقتصادى ومصالح شعوبها فى هذا الوقت الذى يتصارع فى الكل من اجل النجاه من الازمات العالميه لمجرد محاربه الاسلام .
ممكن تكون هذه الفكره  نمت فى مصر 
بسبب هبوط تيارات التشدد الوهابى المدعومه باموال النفط زى ما قال دكتور على الاسوانى فى مقاله مصر فى مواجهه الفاشيه 

ولكن ايا كان ....
هحكي لكو حكايه صغيره وقعت فى فرنسا من 20 سنه تقريبا 
يعنى سنه 1990 
يمكن تشوف فيها النص التانى من الحقيقه التى لا تعلمها عن فرنسا 
"يحكى ان 
فتاتين مسلمتين مغربتين دخلاتا الفصل الدراسى مرتديين الحجاب (لا يكشف الا الوجه)
فما كان من الناظر الى انه نبههما الى عدم دخول المدرسه بهذا الزى الدينى .

هاجت الصحافه (كما هاجت بعد القانون الجديد الذ ى يحظر ارتداء غطاء للوجه ) . عالت اصوات المسلميين بان فرنسا تحارب الاسلام ..
ولكن رد مدير المدرسه كان كالتالى :
ان فرنسا دوله علمانيه ترفض التميز الدينى داخل المؤسسات التعليميه .ويترتب عليه الاعلام بالهويه الدينيه  وهذا الزى الدينى الذى ارتداه الطالبتان يعتبر اعلان عن اسلاميتهما وهذا مرفوض داخل المدارس الفرنسيه واكمل  انه يرفض دخول المسيحيات الدرسه بزى الراهبات ايضا...

بعد يوميين اعلنت زوجه الرئيس الفرنسى ميتران ان مدير المدرسه اخطا وان من حق الطالبتين ان يزهبن الى المدرسه بزيهن الدينى وان راى مدير المدرسه لا يزيد على كونه تفسيرا شخصيا يتناقض مع مفاهيم الحريه والعلمانيه

وكثر الصخب حول هذه الحادئه الى ان وصلت الى الجمعيه الوطنيه (وه المجلس التشريعى زى مجلس الشعب عندنا)
وانتهت المناقشات بالتصويت لصالح الطالبتين وسمح لهما ولغيرهما بارتداء الحجاب فى المدارس.

واستقال مدير المدرسه احتجاجا على قرار الجمعيه الوطنيه "

  وانتهت الحكايه 
وبعد الاحداث الى عاشتها مصر اليوميين الى فاتو دول والى مات ضحيتها 25 شهيد 
هل مصر كدوله محتاجه انها تكون قاضى عادل وحيادى لا يميل على طائفه دينيه او غير ذللك على حساب الغير .
هل مصر محتاجه شويه علمانيه  

-----------
مصدر:
من كتاب حتى لا يكون كلاما فى الهواء
"عندما اصبح الحجاب قضيه فرنسيه ساخنه" 
جريده اكتوبر سنه 1990

الجيش بيقتل العزل

الجيش ولع فى البلد 
الجيش بيقتل المتظاهريين السلميين 
التلفزيون بيحرض ضد المتظاهريين
التلفزيون بيستخدم كلمه الاقباط والمسلميين عشان يولع فى البلد 
دم الاقباط الى ماتو دول مش هيروح هدر 
والبلد مش هتهدى طول ما فيه ناس مش حاسه بالامان فى بلادها وبتموت عشان 
مش عارفه تبنى كنيسه 


ده كلام بعض الشهود عيان 
من بلطجيه مسبيرو
شهادة عيان امام الله على أحداث ماسبيرو


الجيش اقتحم قناه 25 يناير ويتابع حملته ضد الصحف والقنوات 

 

فيديو للشهدا الى ماتو .وكميه العنف الى استخدم ضدهم 

مصر شافت اسوء ايامها 

ممكن يرجع تانى مسلم ومسيى ايد واحده ولا هتفضل كلمه بتترد فى المظاهرات 

بس فى الحارات والصعيد والارياف المسلم حاجه والمسيحى حاجه تانيه 

لامتى هيفضل الاقباط حسيين بالظلم عليهم 

وميقدروش يطالبو بابسط حقوقهم بانهم يبنو دور العباده من غير مظاهرات واعتراض 

مسلميين وشيوخ متشددين 

تصبحون عل وطن

.وطن لم يوجد وشعب لم يكن له فى المعاناه مثل احد
شعب مات ويموت وسيموت شبابها ورجاله ونسائه واطفاله طالما ظل هذا العدو الصهيونى ساكنا فوق ارضه 
وتظل الحكومات العربيه مستكينه راضيه على ما تفعله فوات الاحتلال 

هل سيصبح لهم وطن غدا او بعد غد او بعد عام ؟
هل سيقف بجانبهم دول الامم المتحده لمنحهم اصواتهم فى طلب العضويه ؟
هل ستظل امريكا ستتحدث بصوت عالى على امن اسرائيل لا يمكن التهاون فيه ؟
والى متىسيكت العرب على كلمه امن اسرائيل ؟
اى امن لدوله عنصريه محتله ؟
حكومتها متطرفه تقتل وتحتل وتهدم وتدمر
تقتل الاطفال وتحتل الارض وتهدم البيوت وتدمر حداذق الويتون ؟

شعب يحمل غصن زيتون ويطالب بارضه وبدولته  ولا نرى من العالم كله شىء الا لاشىء 
ولا نجد من بنى عروبته الى التنديد . 


هل سيتحقق الحلم مع هذا التهديد الامريكى باستخدام الفيتو ؟ وتصريحات رئيس وزراء اسرئيل بان محاولات فلسطيين ستبوء بالفشل ؟


ولكن هل ستسكت هذه الحكومات الموجوده فى مرحله الربيع العربى كغيرها من الحكومات العميله ؟
لا اعرف كتيرا 
ولكنى اعرف ان الشعوب العربيه لن تسكت ولن ترضى 

واتمنى ان تصبحون على وطن قريبا جدا  يعيش فيه اهلنا فى فلسطيين 

المجلس يريد حبس المواطنيين

ولكن انا احب اقول ما يلى :

بعد الاطلاع على الإعلان الدستوري الصادر بتاريخ 13/2/2011؛
وعلى الإعلان الدستوري الصادر بتاريخ 30/3/2011؛
وعلى قانون العقوبات؛
وعلى القانون رقم 162 لسنة 1958 بشأن حالة الطوارئ؛  
وبعد الاطلاع على نص مرسوم القانون رقم 36/2011 الصادر اليوم ؛


المجلس العسكرى ابن الجزمه ,هوه اول واحد عايز البلد تفضل زى ما هيا
ولولا ضغط الشارع كان ساب رجاله النظام زى ما هما
لو الشارع بطل يضغط ولو قوانينه (الى غرامتها
بتوصل لنص مليون جنيه) قدرت تخوف الناس او ناس بفاققتها
قالت المظاهرات مش وقتها
يبقى البلد ضاعت وبقت فى جيب المجلس العسكرى الى هيخربها
لازم نضغط على المجلس ابن الجزمه ده لحد ما الثوره تكمل لازم نحمى عمالها 
الى الغرمات هتخرب بيتهم لو طالبو بحقوقهم لازم نتظاهر عشان حققنا
مش لازم نسكت على المجلس ده وتصرفاته

واحب اقول للقوى السياسيه :
 
انكو اول ناس اتضربت بالجزمه من اول اليبراليين والاخوان واليسار والاسلاميين ,الى مفيش قانون بيتفقو عليه الا ما يعمل هوه الى فى دماغو , استفيدو من ضغط الشارع وخليو مع الناس عشان يبقى ليكو قيمه  

9-9 

نازليين مش خايفيين منك

مش خايفيين من قوانينك الى عاملها مخصوص عشان تخوفنا

عاد ليفتى

الفتره الجايه دى هنلاقى فتاوى كتير 

عن علمانيه وليبراليه والكفر والالحاد (وده بدا فعلا)

ان لم ينتهى هذا السيل الجارف سينقسم هذا المجتمع ويتاكل فالكل يريد تقسيمه حسب الانتماء الاسياسى 

اسلامى وليبرالى ويسارى وشيوعى وعلمانى 

وعلى حسب الدين مسلم او مسيحى او بهائى او يهودى 

يجب ان ينتهى هذا التقسيم 

ويجب ان تسكت هذه الافواه التى تلعن وتكفر وتدعى فى الصلوات على مواطنى مصر 

ويجب ان يعلمو ان فتواهم ودعائهم على الاخريين لن يجلب للمجتمع الى الانقسام والضياع

الوضع ده فكرنى ب احمد مطر وقصيده عاد ليفتى

عاد ليقتى
هتك نساء الارض حلال
الا الاربع مما ياتى
امى,اختى ,امراتى ,بنتى
كل الارهاب مقاومه
الا ان قاد الى موتى
نسف بيوت الناس جهاد
ان لم ينسف معها بيتى
التقوى عندى تتلوى
ما بين البلوى والبلوى حسب البخت
ان نزلت تلك على غيرى خنقت صمتى
واذا تلك دنت من ظهرى 

زرعت اعصارا فى صوتى
وعلى مهوى تلك التقوى

ابصق يوم الجمعه فتوى
فاذا مست نعل الاقوى

الحسها فى يوم السبت
الوسطيه ففتى ففتى
اعمال الجرام حرام 

وحلال فى نفس الوقت
هى كفر ان زلت فوقى 

وهدى ان مرت من تحتى
هو قد افتى وانا افتى
العله فى سوء البذره

العله ليست فى النبت
والقبح باخيله الناحب

ليس القبح بطين النحت
والقاتل من يضع الفتوى

بالقتل وليس المستفتى
وعليه سنغدو انعاما 

بين سوطير الاحكام
وبين بساطير الحكام 

و سيكفر حتى الاسلام
ان لم يلجم هذا المفتى

العيد وامور اخرى

السنه دى شهر رمضان كان حر جدا والحمد لله انه عدى بخير . 
وكل سنه وانا طيب ومصر وانتو طيبين .
وعيد سعيد .
ليله العيد ؟ مين مبيحبشى ليله العيد . ليله العيد وصلاه العيد دووله طعم مختلف اول ما ينتهو خلاص العيد بيخلص 
بحب جدا ليله العيد وكمان اغنيه ام كلثوم يا ليله العيد بجد روعه 

================
Me , you can skip ,it may be boring
فى اليوميين الى فاتو حصلى شويه حاجات ملغبطه منها
LapTop بتاعى 

شاشته بازت وبقيت مضطر انى استخدم شاشه خارجيه قرفانى بس احسن من مفيش 
بس اكتشفت انى كنت بضيع وقت كتير جدا على ٍ facebook &twitter
وقررت انى مش هضيع فى وقت تانى اكتر من كده . وخصوصا فى الوقت ده الى بذاكر فيه عشان بعد ما اخلص ورق الجيش ادورعلى وظيفه 

===============================


واخيرا مصر 

العيد هيعدى على 12000 سجين فى السجن الحربى ملهموشى  ذنب ولسه المجلس العسكرى بيستخدم سلطته فى انه يلوى ايد الثوار .
وكمان من يوميين كان فيه حمله لاستقلال القضاء

. ياريت القضاء بعنا يرجع تانى ايده نظيفه من غير قضاه امن الدوله الى ظلمو وفسدو . وان شاء الله هنبقى احسن لان قضاه مصر معظمهم مش من بتوع امن الدوله 

ويارب نشوف حمله لا للفقر زى حمله لا للمحاكمات العسكريه وحمله استقلال القضاء 

رمضان عدى على الفقير وصامه بس العيد هيعدى عليه ازاى وكيلو اللحمه بقى 70 جنيه
ربنا يعدى السنه دى على خير ورمضان الجاى مصر تكون احسن كتير 

والسلام ختام يا رمضان

عرب اسرائيل

وانا بدور بالصدفه .لقيت عرب اسرائيل موضوع مكنشى ليه عندى اى اهميه .
او حاسس ان موضوع عادى شويه عرب فى اسرائيل وخلاص .
لكن الموضوع ده كبير فعلا 
انا حبيب اوضح معلومات عنهم 
من سنه 1974 وهو قرار تقسيم فلسطيين 
بين اليهود والفلسطينيين 
وكانت النسبه التقسيم 55 % لاسرائيل ونتيجه لقرار التقسيم ده حصلت 
حرب 48 الى شارك فيها الجيوش العربيه لتحرير فلسطيين 
وكان من اهم ابطال الحرب المصريين المشاركيين واحد بيطلق عليه كلمه بطل ويطلق اسمه على شارع مهم فى القاهره وهو شارع البطل احمد عبد العزيز
ولكن انتهت الحرب بهزيمه الجيوش العربيه
وبعدها استحوزت اسرائيل على 75% من الارض  وطالت ايدى اليهود الفلسطينيين حتى اجبرتهم على الرحيل ,وتشردو فى بلدان عربيه مجاوره وداخل مخيمات تعرف بمخيمات الاجئيين 
ولكن فى نفش الوقت ظل فلسطيننيين لم يرحلو من بيوتهم وكان تعدادهم فى سنه 52 يبلغ 
156 الف مواطن 
وهو ما نطلق عليهم وعلى ابنائهم الان عرب اسرائيل 
اندهشت عندما عرفت ان تعددادهم الان حسب احصاءات 2009 يبلغ 1500000
مليون و500 الف عدد ضخم يشكلون 20% من سكان اسرائيل 
اسرائيل دول من كل الاعراق والانواع دوله تقوم على عنصريه يهوديه تجاه الاخريين 
وعنصريه داخل الطوائف اليهوديه ايضا 

عرب اسرائي بالرغم من هذه النسبه الا انهم لا يسمع لهم صوت عالى داخل اسرائيل يتناسب مع حجمهم .ماذا يفعلون 
وكيف يعيشون وهل يدخلون الجيش وهل يترشحون فى انتخابات؟

عرب اسرائيل لا يؤدون الخدمه العسكريه فى جيش الدفاع الاسرائيلى

واندهشت عندماعرفت ان الشاعر الفلسطينى

محمود درويش واحد من عرب اسرائيل 
وقد شارك فى الحزب الشيوعى الاسرائيليى المنبثق من الحزب الشيوعى الفلسطينى وهو حزب يسارى يهودى عربى 

ومن اشهر عرب 48 هو عزمى بشاره المحلل السياسى

مشاكل عرب فلسطيين وما يعانون من تشويه للهويه داخل اسرائيل 
فتحتوى المناهج الدراسيه على معلومات مغلوطه واخطاء لغويه تهدف لطمس الهويه والثقافه كما تسيطر على صياغه هذه المناهج المؤسسة الإسرائيلية لليهود "الحريديم"

من اشهر من تكلم عن عرب اسرائيل هو عزمى بشاره وكتبهم مثل :
العرب في إسرائيل : رؤية من الداخل (الخطاب السياسي المبتور ودراسات أخرى).

المصادر :
Wiki Israel
تشويه مناهج فلسطينيو 48
عزمى بشاره
المواطنيين العرب فى اسرئيل
محمود درويش
الحزب الشيوعى الاسرائيلى

يا اسرائيل

البطل احمد الشحات

مصر هيه الامل .مصر الثوره .مصر شبابها هما الى هيرجعو تانى للعرب قيمتهم وكرامتهم 

مصر مش هتستنى تانى منحه من حد ومش هتسكت تانى على ولا دها الى بيتقلو 

ومش هتقف تتفرج على الحدود مع اسرائيل 

ومش هنسكت حتى لو سكت النظام على افعال اسرائيل 

ومش هنسكت على حق اخوتنا الى بيموتو فى غزه بطيارن اسرئيل 

ومش هنسكت على الى بيحصل فى القدس 

يا اسرئيل مش هنسكت 

شفتى شبابنا لما ينزل علمكو من على سفارتكو 

شفتو شبابنا لما طلع عماره 24 دور عشان ينزل علمكو

شفتو شبابنا الى بيطير من غير طيارات 

قريب هتشوفونا بنطير فوق فلسطين الحره 

============

تونس ومصر وليبا دول حره من انظمتها الديكتاتوريه 

يا ترى الدوله الرابعه هتبقى مين سوريا ولا الييمن ولا البحريين

مبروك لليبيا 

النهارده فى دول كتير اعترفو بالمجلس الانتقالى منهم مصر وكمان رفعو علم الثوار 

على القنصليه فى الاسكندريه وعلى السفاره فى القاهره 

وتحول القذافى الى واحد من ديكاتورى التاريخ فى ليبيا

الاوضاع السياسيه فى مصر وتركيا

مصر وتركيا بين العسكر -تذكير عشان منوصلشى لكده

تعيش مصر مرحله صعبه فى ظل التوتر والانقسام حول المبادىء الحاكمه للدستور 
ظهر الانقسام بين القوى الاسلاميه والقوى الدينيه .
فتدافع القوى الاسلاميه عن هويه الدوله الاسلاميه وتطبيق الشريعه الاسلاميه
والقوى المدنيه تخشى على تحويل مصر لدوله دينيه
 ترفض المواطنه او بعض حقوق الانسان العالميه


منذ قريب نجحت تركيا من الافلات من سطوه السلطه العسكريه بعد استقاله جماعيه لكل قاده الجيش ,هذا الجيش الذى قام بانقلابان منذ 1950 فى الاول اعدم فيه رئيس الوزراء و2 وزراء اخريين معه والثانى اكبر حكومه على الاستقاله وهى حكومه نجم الدين اربكان
مارس الجيش هذه الافعال من اجل حمايه علمانيه الدوله التركيه والدفاع عنها من الاسلاميين


ولكن مقال اليوم لايتكلم عن التيار الاسلامى السياسى موقفه سليم ام غير ذلك
ولكنه يتحدث عن ظهور التشدد الاسلامى واسبابه وجوده فى تركيا ,
وهذه الاسباب اجدها نفسها هى من ادت الى انتشار التشدد داخل بعض التيارات الدينيه من المجتمع المصرى ,
فيجب ان تستفيد مصر من تركيا لكى لا تخضع لسلطه العسكر كما وقعت تركيا


 المقال :so-who-will-protect-secularism-now
اذا ,من يحمى العلمانيه الان  ؟ so ,Who will protect secularism now ? in Arabic

يتحدث المقال عن العلمانيه التركيه التى كان يفرضها قواد الجيش وايضا القضاه لم تكن تشبه ديموقراطيه الغرب.استلهمت من دول مثل فرنسا والمانيه التطرف والماديه فى علمانيتها وتعصبت بدون حياد تجاه الدين .

واستخدمته فى نفس الوقت فى صالح اغراض الدوله ,مثل حظر الحجاب والطرق الصوفيه ولكن فى نفس الوقت نجد مساجد انقره تخطب فى الناس من اجل الاستشهاد فى تعزيز الجيش التركى من اجل الوطن.

صناعه الاعداء 

العلمانيه التركيه غير متوافقه وغير ديموقراطيه,لم تنتهك حقوق المسلميين فقط ولكن ايضا المسيحيين فى كنائسهم القليله ,مثل اغلاق الكليريكيه هيلكى للبطريركيه المسكونيه  سنه 1971 ,بواسطه المجلس العسكرى,ولذلك خبر ابتعاد هذا الجيش الغير تقدمى عن السلطه خبر جيد
.

ولكن ماذا عن الاسلاميين,الذين يرفضون اليبراليين الموجوديين فى الدوله العلمانيه,ويسعو لانشاء دوله اسلاميه , من يحمى تركيا منهم الان ؟

يتحدث الكاتب عن اصل هؤلاء الاسلاميين هل هم كانو موجوديين اصلا او نتيجه لسبب ما ,ويرى الكاتب انهم كانو موجوديين نتيجه مغالاه الدوله العلمانيه تجاه الدين 

فى العقود الاخيره من الامبراطوريه العثمانيه , كانت الدوله ملكيه دستوريه ,وكان معظم اصحاب الراى الاسلاميين ديموقراطيين,وتحطم القوه اليبراليه الناشئه ,بواسطه غلاه العلمانيه من 
الكماليين (كمال اتاتورك) فى نهايه القرن العشرين
وعندما بدا عصر التعدديه الحزبيه فى الخمسينات , ما فعل المتدنيين الاسلاميين الا ان دعمو حزب يمين-وسط ديموقراطى .الذى لم يجلب فقط الحريه الدينيه ولكن ايضا الازدها الاقتصادى والانضمام لحلف الناتو.

بلطجيه فى زى عسكرى 

ومع ذلك لم يسامح هؤلاء العسكر البلطجيه الحزب الديموقراطى ونقذو انقلاب ضده سنه 1960,
فحبسو كل اعضائه ,واعدمو ثلاثه من وزرائه ومنهم رئيس الوزراء الشعبى عدنان مندريز

عدنان مندريس

,

ولكن بعد هذا الهجوم المباشر على الحزب الديموقراطى ظهر   الاسلاميين كقوه سياسيه تحت رايه نجم الدين اربكان

نجم الدين اربكان

,الذى وعد ب "ناتو اسلامى " ودوله اسلاميه
ولهذا عندما هاجم قواد الجيش فى انقلابهم الحديث على حكومه اربكان سنه 1997 ,
كان من اجل القضاء الخوف الذى خلقه اسلافهم . (خوف من تغيير علمانيه الدوله الى دوله اسلاميه).

نفس الطريه استخدمها الجنرالات الترك تجاه القضايا المختلفه مثل انفصال الاكرادمنذ منتصف سنه 1980,فقادو حمله كبيره لمكافحه التمرد ضد الكرديين الانفصاليين ,دون السماح باى حلول لسياسيه للمساله الكرديه,كما قامت بافعال حاسمه حتى تجاه القوميه التركيه ففرضت على جميع المواطنيين على عدم استخدام اللغه الكرديه,كما مارست العنف الزائد بكل اشكاله مه نشطاء السلام الكرديين .


عندما فقط يزاح الجيش من على الساحه يمكن بحريه مناقشه كيفيه تطبيق العلمانيه وعلاج المشكله التركيه وحتى المحرمات مثل المصير الماسوى للعثمانيين الارمن 
نحن لم نعد نسجد لينجينا الله من  الاعداء(الذين ليس لها وجود) التى كان الجنرالات يصرخون لها ويدعون انهم يحمونا منها 


فعندما يكونو فى ثكانتهم , نشعر اننا افضل كثيرا 

========================

لتقف القوى السياسيه امام المجلس العسكرى بطلب واحد وهى مصر يحكمها مدنيين وليسو عسكر 

ومع اختلافى مع الاسلاميين وكونى ليبرالى لا يجب ان يكون المجلس طرفا فى هذا الخلاف .

عندنا نستلم مصر فى ايدينا ويصبح الحكم مدنيا ساعتها نتحدث عن طبيعه الدوله من حيث اسلاميه ولا مدنيه (ليبراليه وعلمانيه )

ولا مدنيه بمرجعيه اسلاميه .

نصيحتى للاخوه الاسلاميين بلاش تكلمو المجلس العسكرى وتقولو اسلاميه اسلاميه لانه بكده هتودينا لتركيا الى فضل جيشا يدافع عن مدنيه دولتها وكمان علمانيتها ,

بلاش مظاهرات اسلاميه كتير عشان مصلحتنا ومصلحتو. احسن للعسكر يقلبنا احنا الاتنيين 

تتواصل المحاكمات العسكريه

محاكمات عسكريه كل يوم للمدنيين قدام س28 نيابات عسكريه 
ليه ؟
عشان 140 حرف ؟ تخيلو لما انسان يكتب 140 حرف على تويتر يدفع كفاله 20 الف جنيه .
يعنى بمقدار 142 جنيه للحرف يا بلاش .
الكلام ده حصل النهارده مع اسماء محفوظ 
تعرفو ان الكفاله الى دفعتها عائشه عبدالهادى فى قضيه موقعه الجمل كانت 10 الاف جنييه .
يعنى كده اسماء عملت نصيبه اكبر من انها تقتل المتظاه


المجلس العسكرى عايزنا نسكت على المصايب الى بيعملها فى حق المواطنيين المدنيين . من اول ما حبس الدونيين الى بيكتبو رايهم زى مايكل نبيل


وكمان بيحاكم مدنيين عسكريا بدعوى انهم بلطجيه ...
لا يا مجلس يا عسكرى .
اذا كان قانونك ده مش هيعمل الى الثوره عايزاه يبقى بلاشه وكمان مش عايزينك انته كمان 
ثوره مصر ثوره حريه 
التويت الى عشانه اسماء محفوظ اتحبست :

من الآخر لو القضاء ما جابش حقنا محدش يزعل لو طلعت جماعات مسلحة وعملت سلسلة اغتيالات طالما ما فيش قانون وما فيش قضاء محدش يزعل #SCAF

الديموقراطيه اسهل خطوه على طريق التقدم

لندن تثبت ان الديموقراطيه فى الدوله الحديثه لم تمنع من اظهار ما يدور داخل المجتمع الانجليزى من
فروقات كبيره بين الفقراء والاغنياء من حيث التعليم والصحه والعمل
وايضا تفرقه عنصري متخفيه
وايضا اضطهاد لشباب فى دوله رئيس وزرائها واعلى سلطه تنفيذيه بها هو شاب.
كيف ظهر التناقض بين حكومه رئيسها شاب فى الثلاثيين وبين شباب المجتمع الانجليزى

قابلنى هذا المقال
بعنوان خطاب مفتوح ل ديفيد كاميرون ، اعمال الشغب والوظائف والتعليم
اردت ان اترجمه بهدف واحد ورساله واحده لمصر وللمصريين وهى اننا حاربنا فى اكتر من 5 ثورات اخرها ثوره 25 يناير ولكن ثورات ما قبل 25 يناير ،
ما كانت تصل الى الديموقراطيه فهى فى رايى ثورات لم تتمتع بما تمتعت به ثوره 25 يناير من الاتصال الدائم عبر استخدام ادوات عصريه وانفتاح (حتى لو كان تخيلى على الانترنت) ولكنه ادى فى النهايه الى تجمع شبه كامل بين افراد كتر قدرو ان يجمعو الشارع حولهم الذى كان بانتظار من يجمعهم ويقول الكلمه الاولى الشعب يريد اسقاط النظام ويترك باقى الدور على الشعب الذى لم يستكن حتى اسقط هذا النظام فعليا بخلع مبارك (واتمنى ان لا تهدا شعله هذه الثوره ويظل الشعب هو حارسها وقائدها)
نعود ل ان كل الثورات لم تصل الى الديموقراطيه ولكن ان وصلت ،
فيجب ان يعلم كل فرد مصر ويعى رساله الانجليز لنا وهى ان الديموقراطيه اسهل خطوه على طريق التقدم ، ستفشل هذه الديموقراطيه ان لم تستطع ان تخدم هذه الشعوب وترفع من مستوى فقرائها  ، وستفشل ان ظلت هذه الديموقراطيه عباره عن ذهاب المواطن ليقول نعم او لا فى الصندوق ثم يذهب لبيته ولايفعل شيئا .
عاشت اوروبا ديموقراطيات كبيره وايضا امريكا بلد الحريه ولكن هذه البلاد تسمع الان صرخات شعوبها فنجد امريكا واقتصادها يبدا بالاهتزاز والنهيار مع ارتفاع الدين ونجد اليونان عضوه الاتحاد الاوربى تتهدد بالافلاس ونجد لندن وسكانها الفقراء ينهبون ما طالتهم ايديهم. انها الهوه بين الفقراء والاغنياء تتسع حتى فى البلاد الديموقراطيه..


واليكم ترجمه الخطاب الموجه لرئيس الوزرء البريطانى :



 رئيس الوزراء ،

 نحن سمعنا منك كثيرا ومن افراد حكومتك عن اعمال الشغب الى انتشرت عبر انحاء بريطانيا ،

انت ارجعتها الى الاجرام والطمع وانعدام الرقابه الابويه ، تعاملت معها كانحطاط اخلاقى من افراد وعائلاتهم كنتيجه لانخفاض القيم ، وكانها لا تنتمى لا مضمون سياسى او اجتماعى.



اى واحد يريد ان يفهم لماذا الاف من الشباب نزلو الى الشارع ومارسو اعمل شغب ، يجب ان يبدا بتحديد غضب هؤلاء الشباب فى ظروف من التقشف اثر على الشباب -- وعموما الافراد العامليين -- الذين يدفعون من اجل ازمه ليس هم من فعلوها حتى الان هل اى واحد يريد ان يشرح اعمال الشغب خلال هذه الظروف اتهم لتبرير النهب على انه حلا لازمه اجتماعيه كانت نتيجه لسياساتكم ، يوجد فرق سيدى الوزير بين التوضيح والتبرير.



وزراء الحكومه نندت ايضا عن اعمال شغب 1980 وادارت وجهها عن اسبابها ،

المعروفه الان والتى ادت الى حدوث اعمال شغب 1980 وهى نفسها التى ادت الى حدوث اعمال الشغب هذه الايام مثل البطاله ، وانعدام الفرص التعليميه ، مضايقات الشرطه والعنصريه وخفض الانفاق العام ايضامن اسباب المشكله الرئيسيه.


فى كثير من الحالات يشعر الشباب بالغربه تجاه المجتمع بالنظر الى 30 سنه الماضيه ،

بطاله الشباب بين 16-25 سنه اصبحت مؤسسيه خلال خطوات متسلسله ، اصبحو مليون الان.

، لا يقل عن 75000 شخصا بلى ماوى قانونيا

وما لايقل عن 600 الف يعيشون فى بيوت مكتظه ، يوجد الكثير من الاسخاص السود داخل السجون عن ما يوجد داخل جامعاتنا ، ولا يزال تمثيل السود بشكل غير متكافىء بين الشباب العاطليين عن العمل والذين لا ماوى لهم والمجرميين والمهمشين ، هل انت ووزرائك تتحدثون كما لو كانت العنصريه ليست صفه من سمات مجتمعنا؟ .


يوجد فى 11 الف نادى شباب تركو بعد اغلاق البرنامج سنه 1980 ، وولكن ثلاثه ارباع الشباب بين 11-16 سنه لا يصلو الى نادى شباب ، لماذا ليس للموظفيين الصغار الحق فى الاجازه التعليميه المدفوعه ، ولماذا لا يكون لهم الحق في التمثيل في لجان التدريب في مكان العمل حتى يكون لديهم بعض الشعور من السيطرة علىمصيرهم؟ ، لماذا مجتمعنا يحسب عدد الساعات التى يعملها الفرد ولا يحدد عدد اقصى من الساعات الاسبوعيه (30 ساعه) تسمح باجاد فرص عمل لافراد اخريين ايضا ، ولماذا القليل من مشاورات اتخاذ القرار تجرى معهم ،



ما رد حكومتك على هذا؟ ان مسموح للجامعات استخدام الرسوم الدراسيه الثلاثيه التى تجعل من المستحيل للطبقه العامله الفرصه فى التعلم

السماح بالصيانه التعليمه ، التى اتاحت الفرصه سابقا للكثير للنضمام لكليه ، الغيت ،

زياده القدره الشرطيه ادت الى وجود الكثير من المضايقات للشباب وادخالهم السجون ، البطاله ترتفع بلا هواده ، انت بامكانك استخدام اقتراح مضحك للتغلب على السخط مثل السماح باستخدام خراطيم المياه والرصاص المطاطى ، والمحاكمات الوحشيه خلال المحاكم.



كشفت اعمال الشغب عن القضايا التى يجب معالجتها على وجه السرعه ، اذا اراد شبابنا ان يشعرو ان لهم مستقبل ،

كتربويين ونقابيين ندعو حكومتكم لوضع موارد كبيره لضمان ان هؤلاء الشباب امل حقيقى ، امل يساوى الفرصه التى تعطيها دوله كبيره لشبابها ، وليس فقط لاطفال الاغنى.



نحن نطالب بأن تقوم معالجة هذه المشكلة على محمل الجد ، وتنفيذ السياسات التالية :

استعاده الوكاله الاوربيه للادويه ، والغاء الرسوم الدراسيه.

انهاء خفض الانفاق العام

الغاء قوانيين البحث والتوقيف

رفع بدل الباحثيين عن العمل ل 110 يورو فى الاسبوع.

وضع برنامج سريع لبناء نوادى شباب للموظفيين فى مكان عملهم
انعكاس التخفيضات على المدارس والتعليم وكذلك الكبار
انتهى الخطاب.......
وسيظل الفقراء يصرخون الى ان يموتو دون ان ينتبه لهم احد

لماذا فقراء واغنياء

لماذا نعيش فى هذا العالم الذى يموت فيه الانسان جوعا ؟
لماذا يموت اطفال الصومال جوعا ؟
لماذا يعيش الفقراء على بقايا وفضلات الاغنياء؟
لماذا يموت الفقير لانه فقط لا يجد تمن تكلفه لغسيل الكلى؟
لماذا يوجد هذا الانسان الجاهل ؟


نعيش فى مجتمع فيه الجائع والمريض والجاهل ,ولكننا ايضا نعيش فى عالم يمتلىء بالاموال والمستشفيات والاراضى والمدارس ..
فلماذا نعيش مقهوريين , اذا كان كوكبنا يمتلىئ بما يكفينا 


لماذا هذه الحكومات الى تتكلم عن عداله اجتماعيه ويموت الافراد امام طابور عيش ,
لماذا نجد المجتمع يمتلىئ ضجيج عندما تعلن امريكا الحرب , ويسكت عندما يموت 40 الف صومالى جوعا 


----
ما معنى كل هذه الاموال فى حسابك يا سيدى الغنى والاف غيرك لا يجدو ما ياكل فى يومه, 
لماذا يا سيدى تمتلك مليارات الدولارات والعامليين فى مصنعك لا يجدون ما ياكلون 
للماذا تذهب سيادتك صيفا الى شرم وانا اظل فى مكانى لا اتحرك 


لماذا يحجر هذا العالم على معظم افراده ويعطى كل خيره للقليل منهم , لماذا ؟ 
هل لن تتسع شرم الشيخ لهم , ولكن ان لم تتسع فهناك 100 الشواطىء الاخرى الفاخره الفاغره لا تجد من يدخلها ,
لماذا لا يعالج ابن هذا العامل فى المستشفى الفاخر ويترك لان يموت داخل المستشفى الاميرى ؟
الن يوجد سرير لابن العامل داخل مستشفاكم الفاخره 


اذهبو للجحيم ايها الاغنياء ,موتو وتركو هذا العالم 
لن نتركم تملؤن بطونكم من اموالنا , ونعيش نحن على فضلاتكم

لن نسير على خطى العراق

انا قرات المقاله دى النهارده
بعنوان "على خطى العراق نسير"  لاستاذ /على السيد
وكانت بتتكلم هل مصر ماشيه فى الطريق الى مشت فيه العراق .......


وحاولت ارد على المقال  فى السطور  الجايه دى :

بالتاكيد لا  , لن الصورتيين دول لحالتيين مش شكل بعض , مفيش مقارنه بين مصر والعراق فى اى حاجه , الى حصل فى مصر محصلتشى فى دوله تانيه فى الوطن العربى غير تونس , والى بيحصل فى مصر دلوقتى من محاكمات محصلشى زيه كمان  فى تونس ....

طيب ليه ؟؟؟

العراق دوله كان بيحكمها ديكتاتور زى مصر بس فيه فروق كتير :
 نشوف السياسه -- مكنشى فيه تعدديه حزبيه فى العراق , كان فيه حزب واحد هوه حزب البعث
طيب ده يفرق عننا ايه محنا كان عندنا عشرين حزب ومكناش بنسمع عنهم ؟
ايا كان حضور هذه الاحزاب مش هياثر ,بس كان  موجود فيه معارضه الى حد ما قويه فى فترات معينه زى الاخوان فى برلمان 2005 ,
وده مكنتشى هتلاقيه فى العراق , كانت ديكتاتوريه حقيقيه يحكمها صدام , وان لم توافق تقتل  او تسجن , فلم توجد معارضه


كمان الشعب العراقى نفسه شعب متنوع بطريقه ضاره , موجود فيه شعائر دينيه مختلفه كارهه لبعد زى المسلمين منهم  الشيعه والسنه وطوائف تانيه , غير المسحيين
فى محافظات سنه واخرى شيعه وده فى اى دوله ممكن كان هيولد فتنه ببساطه بس محصلشى لان صدام وجنوده كان بيحكمو البلد بالحديد والنار , والى جانب ده الاقليات الاكراد كانت معاملتهم بالنار لدرجه انه عملهم مدبحه .
الكلام ده مش موجود فى مصر , فى اى وقت مقمتشى الحكومه بالرغم من افعالها الغبيه انها اتهضدت اقليه معنيه لدرجه انها تقتلهم , الى جانب النسيج المجتمعى المصر نسيج متشابك بين المسلميين والمسيحيين بالرغم من وجود بعض المنواشات من وقت للتانى بس مبتوصلشى لفتنه ...


الفرق الكبير جدا ان بالرغم من الى كان صدام بيعمله فى الرعاقيين كانو بيصبرو ولم  يفيض بهم الكيل منه بعكس الى حصل فى مصر
ثار الشعب على مبارك , وتكونت اراده شعبيه ثوريه كالطوفان لا تسمح لغيرها بالوقوف امام شرعيتها ..
ما حدث فى العراق لم يكن نتيجه اراده شعبيه بدل ان الشعب لم يثور , ولكن كانت اراده المحتل ..
محاكمات مصر كانت سببها الرئيسى اراده الشعب قبل الثوره واستمر ضغطه فى 8 يوليو وسيستمر ضغطه لتحقيق مطالبها ...
الثوره لن تهدا حتى تتحق جميع مطالبها ولن يستطيع احد ان يلتف عليها , ولكن نجاحها سيظهر عند تولى برلمان منتخب ورئيس منتخب  ووجود دستور مصرى توافقى ...
ولكن اليس من الوارد ان نقلق ان يكون ما يحدث هو تهداه للثوار , كما زكر روبرت فيسك ,,
اذا كان هو اعتقد ذلك , فانا رايى بانه مخطىء والاجابه واضحه فيما حدث يوم 8 يوليو القوى السياسيه المختلفه والشعب الثائر لم يسكت على الاخطاء , واجبر المؤسسه العسكريه على النزول على رغباته ,, فهذا الشعب الثائر لن يسمح لها باختطاف الثوره ......
ولكن انا زيك قلقان لما ياتى من المجلس العسكرى من تصرفات بشان الثوار وعلى سبيل المثال مافعلوه اليوم من فض الافطار الجماعىمافعلوه اليوم من فض الافطار الجماعى فى التحرير يوم 5 رمضان ,فانا متضايق جدا من ما فعل ككل المصريين وكمان يستاهل ينشتم ونقولهم لا لحكم العسكر , ونرفض سيطرته
على ميدان التحرير , بس لو كان هوه بجنوده قدر يمنع التظاهر فيه , احنا الشعب ممكن نتجمع تانى لو حسينا منه غدر فى التحرير ونترده منه , شعب مصر فقير وليس بغبى يقدر يعرف متى يخدعه الرئيس ومتى يطنش ما يفعله الرئيس ومتى يثور على الرئيس ...
والى المحاكمات , ليس من الدرورى الاتمام بها الى هذ الحد وانا معاك , بس هذه المحاكمات العلنيه ضروريه جدا وان لم تكن ضروريه لك فعتبرها للتاريخ او للرئيس القادم , او نستخدمها لاخبار العالم بنزاهه القضاء حين يجدو محامى الرئيس والشهدا يتبارون امام القضاء...
ولكن يجب ان يسير العمل ولا نتوقف عن هذه المحاكمات , وانا اقول تسير العمل , حتى تاتى حكومه جديده تخطط لمصر فى 10 سنيين القادمه , ولكن دور الحكومه الحاليه التسير والتطهير  من افراد النظام القادم يمكن باستخدام قانون الغدر الى هيفصل في المتهميين بالفساد السياسى فيه القضاء , فتصبح مسؤليه التطهير فى يد القضاء وتحت سلطته




واخيرا لن تسير مصر فى هذا الطريق فمصر الثوره تختلف عن العراق المفتته

المخلوع فى صوره

 

هيتحاكم النهارده , مين كان يصدق ان الراجل ده هيتحاكم فعلا 
ولا كان يصدق ان الشعب ده يثور ويشيل مبارك 
مين كان يصدق ان الرجل الى صوره الى فوق دى ملت الجرايد وكتب المدارس ومعلومات كاذبه للشعب عشان يفضل يحكم هتبتدى محاكمته النهارده .
انا كنت بقول قبل الثوره لو الشعب كله قال لا لحاجه لابد الحاجه دى تتغير 
بس مكنتش متخيل ان الحاجه دى تبقى مبارك .
لاول مره مصر هتحاكم حاكمها من 7000 سنه قدام قاضيه الطبيعى 
مصر اتغيرت كتير عن زمان ,وسابت الطريق الى كانت ماشيه فيه , 

وراحت فى طريق جديد عليها خالص اول مره تمشى عليه . طريق هودينا لمصر الجديد .
احنا النهارده 3 رمضان 2011 
يا ترى 3 رمضان 2012 

مصر هيبقى شكلها ايه ؟

اكيد هتبقى احسن

اول رمضان مع الجيش

الجيش للمره التالته يستخدم قزارته ويفض اعتصام اهالى الشهد بالقوى وكمان قبض على 83 واحد 

واهانت اهالى الشهد وكمان اقتحمت مسجد عمر مكرم عشان تطلع منه المعتصميين واستخدمو الفاظ وسخه زى اتلعو يا ولا الكلب

 

الجيش بقى ليه موقف معادى ظاهر ضد المتظاهريين موقف عدائى كانه يرفض الثوره 

كانه يراه عقبه ولا يريد لها النجاح 

كانه يريد ان يحافظ على ما تبقى من هذا النظام المتهدم 

المجلس العسكرى بيهين الدوله دستورها لما يبقى الاعتصام والتظاهر حق شرعى للشعب وهوه يفض مظاهراتهم بقوه 

يرفض الانتقاد ويرفض الاصوات المعارضه 

الموجه التانيه من الثوره لابد تزيد لابد من حسم الموقف بين الثوره والمجلس العسكرى ام هو ضدها 

بطريه فعليه وليست باستخدام كلام رنانه عن الجيش حامى الثوره والكلام الى ولا يقدم ولا ياخر ده 

لابد ان يحاسب من اخذ قرار بفض الاعتصام لابد ان يتحدث المجلس العسكرى بشفافيه ويحمى الثوره احسنله 

وليعلم المجلس العسكرى ان الشعب خط احمر

======

ماذا يريد المجلس العسكرى بهذه الفعله قبل يوم من محاكمه المخلوع مبارك وظهوره فى قفص الاتهام ,

 بدات شكوكى تزيد عن عدم ظهوره 

رمضان 2011

رمضان كريم , رمضان الثوره ,رمضان جديد من 30 سنه , رمضان من غير رساله تهنئه من مبارك المخلوع للشعب المصرى ...

البلد من يوميين فاتو كانت بتشهد مليونيه ودعت ليها القوى الاسلاميه بعد مليونيه الثوره اولا الى كانت يوم 8 يوليو الى حققت مطالب كتير من اهما حكومه جديد ومحافظيين جداج واهتمام باهالى الشهدا
وكمان علينه المحاكمات وتصويرها ,
انتجت المليونيه دى ضغط كبير على المجلس العسكرى لتنفيذ المطالب وزاد ضغطها لما اتحركت قوى سياسيه وائتلافات زى شباب 6 ابريل وبداو يعتصمو فى المحافظات للضغط اكتر
كان الاعتصام فى المنصوره ماشى كويس بس نهيناه فى الاخر
المهم بعد ما الضغط جاب نتيجه , والمجلس العسكرى وصلته رساله الخوف من كتابه الاغلبيه للدستور
وطلعت منه مبارده كتابه مواد حاكمه للدستور وده نال رفض من القوى الاسلاميه
, طلعت من القوى السياسيه الى انا مكنتش واثق فيها ولا فى تنظيمها (السلفيين وجماعه الاسلاميه) انها تقدر تضغط على المجلس العسكرى بانه يضع اعلان دستور فيه مواد
وانا لسه حالا بسمع واحد منهم فى التليفزيون وبينادى بدوله اسلاميه وجاب سيره دول امويه وعبايه وزاد خوفى على البلد منهم ومن رجوعنا للعصور الوسطى على ايديهم .
وبالفعل حصل الى مكنتش متوقعه انها نزلت فى مليونيه وقالت الشعب يريد تطبيق الشريعه
وقالت ارفع راسك فوق انته مسلم وقالت كلام كتير اثار كل القوى السياسيه الى تقريبا مكنتشى حاضره بالرغم من انها فروض مشاركه وبالفعل بعد الكلام ده سابو التحرير وكانت النتيجه ان ولا حاجه لاي وجود لتاثير ليهم فى الميدان
ومن كلام اصحابى الى راحو اليوم ده ومنهم اسلاميين انهم خافو منهم ومن طريقتهم فى ابداء رايهم وتعصب شديد تخيلو مليونيه يجلاليب قصيره هيبقى منظرها ازاى
ممكن تشوفمقال يسرى فود ه
ولسه حالا بسمع كلامهم على التليفزيون عن تطبيقهم للحدوورايه فى قطع الايد (احيه دا احنا هنموت تحت ايديهم لو ملكو البلد)
انا خايف من الدوله الى جايه انا مش مطمن للاسلاميين بقدر ما كنت متفائل بالى هيحصل بعد 5 سنيين فى مصر .
بس يجب ان احنا ننفتح على الناس دى ونسمعهم ويسمعونا لان لو فضلنا بعاد عنهم وهوه فى ديره مغلقه هيوصلونا لدوله زى السعوديه ولا ايران
بس خير رمضان كريم بس كويس انهم ظهرو من دلوقتى عشان منتفجاشى بعدين
التيار الدينى فى مصر كبير وكمان فكرهم غريب
 لابد للقوى اليبراليه والتيارات المختلفه من انها توصل للشعب وتحل له مشاكله الاقتصاديه والسياسيه ساعتها هيبص للتيارات الدينه كانهم اشخاص عاديين ولا يجب اتباعهم لانهم يمثلون الاسلام
الاسلام بخير ومصر بخير مصر السملمه وهتفضل طول عمرها كده مش لازم اعمل مظاهره اقول فيها اسلاميه اسلاميه لانها كده فعلا . لازم نبطل نضحك على الناس باسم الدين ولازم نقولهم انهم بيضحك عليهم باسم الدين ,


رمضان كريم رمضان من غير مخلوع رمضان جديد لمصر الجديده

ائبات حاله

اثبات حاله خاص بيا :
فى يوم 19 -7 -2011 
فى عياده دكتور نفسانى
 ===
ازيك يا وليد . مالك ,حاسس بايه 
انا : حاسس بحاله اكتئاب 
طيب هسالك شويه اساله وانته تجاوب عليا 
انا : ماشى
س1 انته مكتئب ليه ؟
ج1 مش عرف 
س2 بدايه حاله الاكتئلب دى من امته ؟
انا مش عارف بالظبط بس انا مش فاكر اخر مره ضحكت فيها بجد 
س3 ايه اخر حدث مهم حصل فى حياتك ؟
ج3 يعنى ايه حدث مهم 
س4 يعنى مثلا حبيتك سابتك , حد مرتبط بيه مات وهكذا ؟
ج4 هوه مفيش حدث من ده حصل بس انا من يوميين خلصت علاقتى بالكليه يعنى اتخرجت بعد مناقشه مشروع التخرج 
س5 حصل حاجه فى اليوم ده زعلتك ؟
ج5 لا انا تقريبا مكتئب او مبضحكشى من قلبى من قبلها 
س6 فكرت تخرج ما اصحابك تتفسح ؟
ج6 لا ما هو انا لسه جاى من الكايه مبقليش يوميين وعشان كده اسه ما طلعتش من البيت او خرجت 
س7 كل انسان فى حاجات بتفرحه فى حياته انته ايه الى بيبسطك ؟
انا ,عادى مفيش حاجه بتبسطنى 
س8 ازاى كل انسان لابد فى حاجه بتفرحه ؟
ج8 انا معنديش ,عشان انا اصلا بحب الضحك بطبيعتى يعنى ممكن اى حاجه تضحكنى فعشان 
كده مفيش حاجه ثابته انها بضحكنى
س9 انته ليه جيت لدكتور نفسانى ؟
ج9 عشان تلاقيلى علاج ,اكيد مش هروح لدكتور باطنه عشان مكتئب
س10 انته شغال فى ايه دلوقتى ؟
ج10 انا لسه مخلص الكليه وبشوف ايه الى هعمله فى الفتره الجايه كمان بذاكر شويه حاجات كده معنفسى بالاضافه ان باخد كورس دلوقتى .
س11 تحب تفضفض ؟
ج11 لا 
س12 طب افتكر كده اخر جاجه ضحتك ؟
ج12 كان فيه حد واحشنى جدا وكلمته فى التليفون 
س13 طيب متتصل بيه تانى ؟
ج13 اصدك بيها , انا بقولك وحشنى وهيه مش وحشانى دلوقتى 
س14 انته احساسك بالاكتئاب لما سالت اول سؤال زى السرال ال 14 ؟
ج14 لا قل شويه يمكن 50 % 
س15 انته وراك ميعاد بعد ما الجلسه تنتهى ؟
ج15 ايوه 
س16 ميعاد حلو ولا مش حلو ولا ملوش طعم ؟
ج16 لا ميعاد مش حلو ,رايح اعزى فى وفات واحد اعرفو بس مش السبب ده الى مخلينى مكتئب 


انا مش عايز اديك علاج , لان حالتك مش محتاجه, بس الحاجه الى تفرحك اتمسك بيها واعملها على طول ويريت متنسهاش وقولها لى المره الجايه 
 معادنا الجلسه الجايه لو انته جيت بس خبرتى بتقول ان هتيجى تانى ,

انا : احتمال ,سلام 

اصحابى الاخوان

الى اصحابى : انا نازل 8 يوليو ,انا مش نازل عشان الدستور اولا ,والموضوع الاهبل ده معدشى بيشغلنى ,لان احنا لو مرجعناش تانى نقف مع بعض اخوان وليبراليين يمين ويسار مش هنلاقى دستور ولا ثوره ,احنا لو سكتنا تانى ومقلناش لا, هنضرب على قفانا ل 60 سنه تانيه ويمكن اكتر , يوم 25 كانت الاخوان قالت انها مش هتشارك كجماعه ولكن افرادها الشباب الرجاله نزلو وشاركو وكانو بنقول لا للظلم والعيشه القرف ,انا مستنيكو تنزلو برده المره دى ,حتى لو الجماعه برده قالت انها مش هتشارك

هنزل الميدان تانى وتالت ......

ايوه انا هنزل تانى الميدان وايوه انا عارف ان المجلس العسكرى والداخليه بتقول علينا بلطجيه ,
وايوه انا عارف ان فيه ايادى خفيه ..
بس هنزل مش هسيبك يا مشير تركب البلد وتمشيها على كيفك 
مش هسيب قضايا الشهدا تضيع واد ورا واحده 
مش هسيبك كل يوم تقبض على واحد بيقلك لا
مش هسيبك طول ما انته بتحاكمنا عسكريا 
مش هسيبك طول ما مبارك وولاده عيشيين ميت فل وعشره والشعب طالع عينه هوه وولاده الشهدا 
مش هسيبك طول مانته سايب وزرا واولهم وزير داخليتك مش عارف يمشى البلد 

يا مجلس يا عسكرى رصيد نفذ وتواطؤك ظهر وضحكك علينا ابتدى من زمان بس احنا خلاص مش هنسكتك هننزل بكره وهزننزل يوم 8 يوليو 
حقق مطالبنا احسنلك يا مشير 


مضروب برصاص مطاطى امبارح قدام الداخليه

 

دى صور التحرير الى فيه البلطجيه !!!!!!!!!!!احنا لسه هنصدق ان دول بلطجيه 

 
وده بقى ابو شهيد زينا مش عارف يشوف المتهميين فى القفص 

 لازم ننزل تانى التحرير

#TweetNadwa in mansoura

تويت ندوه فكره جديد من اسبوعيين اخترعها المدون والناشط السياسى علاء عبد الفتاح 
على مدونته علاء ومنال  
وفكرتها انها مجموعه شباب الطويطر
هينزلو لارض الواقع ويتفعلو ويكلموا ويعرفوا بعض 
عن طريق ندوه منظمه ليها موضوع معين وناس مححده هتكلم فى الموضوع الى جانب انها هتسمح بالحوار للحضور بس زى تويتر فى 140 ثانيه مش كلمه لكل واحد ....
بالاضافه الى استخدام الهاشتاج #TweetNadwa على تويتر 
وهيكون فيه بروجيكتر يتعرض عليه الtweets online
للمشاركه اكتر 


------------------------
ده الموضوع ببساطه عايزيين معمله فى المنصوره بقى 

مصر تريد من يؤمن بالثوره

حمله تشويه المرشحيين للرئاسه لمجرد اختلافاتهم الفكريه غير مقبول .ومصر لن تحتاج توجه ايدولوجى ليبرالى او اشتراكى او اسلامى لكى تقف على طريق التطور ولكنها تحتاج لمن يؤمن بالثوره ومطالبها ويسعى لحل المشكلات فعليا وليس استخدام المعسول من الكلام وفى الاخر ننزل على مفيش .
ربنا يكون فى عون البرادعى والعوا ليهم تصريحات الناس بتاخدها وتستخدمها بطريقه زى الزفت
....................
مصر تحتاج من يؤمن بالثوره والشعب المصرى قادر على الاختيار من بين المرشحيين اذا كانت مصر لسه بتبدى حياه سياسيه.
لازم منعملشى الى كان بيعملو النظام السابق من انه يحجر على راى الاخر ويضهده ويعمل من اخطائه البسيطه وغالبا بسبب تصريحات مش فى مكانها وهوه يوظفها ويفهما بطريه غلط ويحاول يفهما للناس بالطريه الغلط دى ...
لازم الشعب المصر يشوف كل المرشحيين وافكرهم لحل مشاكل مصر الاقتصاديه والسياسه من غير اى تجميل او خداع لان المرحله دى الى هيتحدد بيها مصير مصر ...
وباذن الله مصر ينتظرها مستقبل مشرق نرضاه لابنائنا واحفادنا طول ما الشعب عينه على مصلحتها وبيدافع عن حقه وبيقف فى وش الطلم وبيقول للفساد لا
زى ما كانت مصر مش المخلوع مش هتكون البرادعى ولا العو والا حمدين ولا ايمن نور ولا عمرو موسى ..
مصر اكبر من كده ولو رئيس مصر كان يمسح احذيه ولكن يؤمن بالثوره واهدافها ستكون مصر على يده جنه
على فكره رئيس البرازيل سلفادا كان بيمسح احذيه

endSH هل سينتهى التحرش الجنسى

انا مش عارف بجد التدوين عن التحرش الجنسى ده ايه فيدته بس اهو فضفضه يمكن تنفع وحد يتغير ومنها برده تعبير عن رايى ,بس تعبير عن راى ايه هوه انا مستنى اعبر عن راييى انا اكيد رافضه واكيد كل ناس  هيقولو لا للتحرش .
واكيد مش بكتب التدوينه دى عشان ابين انواع التحرش واشكاله وطرقه الرخمه الرزله والمعاكسات الزباله الى الشباب الفاضى بيعملها .
طب سؤال : هل احنا نقدر نمنع التحرش الجنسى فى العالم ؟ طب فى مصر ؟طب فى القاهره ؟
وهوه ده الى هتكلم عنه 
بس الاول 
 قعدنا نتكلم فى حوار البنات بتلبس هدوم فظيعه والشباب غلبان وده كلام فكسان لا يودى ولا يجيب وكمان مبرر للشباب انه يزود من افعاله .....
بس الاول اجاوب على السؤال وهوه ان لا احنا مش هنقدر نمنع التحرش الجنسى ولا فى العالم ولا فى مصر ولا فى امريكا .....ومش هنقدر حتى لو جبنا 100 وثيقه وعملنا 100 مؤتمر او 50 قانون ان احنا نمنعه المشكله مش فى الكلام المكتوب المشكله فينا قصدى فيهم هما (البنات)
لو جينا ندور عن المراه فى العالم هنلاقى على عكس ما عرفيين من حقوق انسان وكلام من ده هنلاقيها بتوصل انها تتباع فى اسيا وكمان اطفال واتجار بالبشر ....

يعنى الحل مش فى اديا عشان اقول هاتو الواد الى تحرش ده ؟ طب وانا مالى ؟
المشكله مش نقص قوانيين المشكله فى البنت المصريه الاموره الخجوله الى عندها كل حاجه عيب الى بتتكسف تقول كلمه لا ....هما دول اصل المشكله 
طيب وايه زنب البنت هيه معلهاش حاجه هيه اتربت فى مجتمع مش متعود انه يسمع فيه صوت انثى ومعتبر ان صوتها عوره واحسنلها تفضل قعده فى البيت .....
مجتمع واطى يكيل بمكياليين الرجل حر ولو راجل عمل حاجه عادى لانه راجل ولو انسانه عملت نص الى عمله هتلاقى المجتمع من اول شارعها لحد عمارتها وكمان جوه بيتها بيبصلها بنظرات احتجاج وعايز يقلها انها عار علينا لانها بس انثى .......
يبقى مشكلتنا مع المجتمع ده مشكلتنا مع الفكر الراجعى الى الانسان الشرقى بيبص بيه للمراه على اساس انها حيوانه يتسلى بيها وبعدين يرميها .....

بس مين الى بيتحرشوا بالبنات ؟؟؟
انا معرفشى واحد سنه كبير واتحرش بواحده هتلاقى معظمهم شباب وكمان مش اى شباب ده اوسخ انواع الشباب ياما واد سيس معاه عربيه بباه جيبهاله يكسر على بنت سايقه فى الطريق ياما واحد ضايع بيشرب وياخد حقن يعنى نوعيه خاصه من الشباب هما الى بيعملو كده وده طبعا بعكس النوعيه المحترمه المتعلمه وتحتها ميت خط الى دارسه وفاهمه ونادرا ما تلاقى طالب خريج جامعه وكليه محترمه بيعمل الافعال دى 

والحل ايه مع الشباب دول ؟؟؟؟
زى ما قلت ان احنا اصلا مش هنقدر نمنعه لان الطرفين المجنى  و المجنى عليه بيتنكروا من الى حصل ياما الجانى واكيد المجنى عليها ....
وزى ما قلت المشكله مش فى القانون ..بس لو الشاب الى بيتحرش ده عرف ان فيه قانون رادع وشاف واحد خد عقوبه مغلظه لانه تعرض لواحده سواء لفظيا او جسديا 
اكيد هيقلل الى بيعمله ليقابل واحده من الى مبتسكتشى او مبتخفشى من نظرت المجتع ليها وتقدر توديه فى داهيه .....
يعنى الخلاصه :
لازم نصحح نظره المجتمع للمراه 
وبالتالى هتاخد ثقه فى نفسها 
وبالتالى هتقدر تقول انا اتحرش بيا وتقدر تقدم بلاغ بكده 

وكمان 
نغلظ القوبه هنلاقى ان الصايع ده هيفكر ميت مره قبل ما يعمل كده

امته نسبه 2% من الى بيتحرش بيهم هتوصل تبقى 100% ؟؟؟؟
اكيد الاسهل ان احنا نمشى بنات حواء لكوكب الزهره اسهل ونسيب الرجاله قاعده على الارض
يرت ياجى اليوم ان البنت متكسفشى من المجتمع وتقدر تقدم بلاغ انها اتحرشش بيها ؟؟؟؟؟؟؟؟؟؟؟

حاسوباتى just graduated

النهارده وفى هذا اليوم الجميل .وبعد 15 سنه امتحانات .واربع سنيين وجع دماغ وشيتات وشفوى وعملى ومشاريع وامتحانات .
خلصت اخر امتحان فى سنه رابعه وبقيت خلاص فاضى .
ياه مش فاكر من سنه اولى فى كليه الحاسبات والمعلومات جامعه المنصوره الا شويه حاجات طشاش خلاصتها
انى كنت مقضيها ولا بروح الكليه ولا محاضرتها ول ابعرف شكل دكاتره اصلا ويدوب كنت بكتب اى كلام فى ورقه الاجابه يعنى كانت سنه صياعه وزمايل واصحاب من نفس النوعيه والحصيله .تكبير دماغ يمكن عشان مكنتش حاسس بقيمه الكليه كنت فى سنه اولى حاسس انى انا مش مكانى هنا والى زود الكلام ده الدكاتره والمعيدين الى كنت بحس انهم اغبيه او بدمرونا وحسسونا ان احنا مش هنفرق اتخرجنا ولا لا ,يمكن عشان مكنتش بحس ان بتعلم حاجه مفيده ويمكن عشان مكنتش عارف ان حاجه عن الكليه دى اصلا يكمن عشان التنسيق هوه الى جابنى (مشكله العصر لابد نشيل التنسيق ده )
وبعد ضياع جات النتيجه فى الترم الاول وانا بقلها وكلى فخر بجد ان كل المواد بتاعتى كانت لونهااصفر والى ميعرفشى يعنى ايه اصفر هقوله المفروض النتيجه يبقى لونها ابيض ده بقى نتيجه البيض يعنى كل المواد فاشل فيها 
والنتيجه كانت عباره عن 5 مواد كلهم يا اما ض او ض ج او رن او * او مقبول(وهيه كانت ماده وحده مقبول ب 53 وكانت البرمجه)
عشان الدرجات دى بقيت خبره ومرجع فى درجات الرفع 
وكانت بعد البحث انى لابد انجح الترم الجاى صافى عشان احتمال اعدى بمدتيين 
وخلاص قلت فى الترم التانى بتاع سنه اولى انى لابد ازاكر شويه ومع اصحابى والشله كانت النتيجه ستبوء بالفشل ولكن بسبب سهوله الدكاتره الى حد ما وشويه تركيز نجحت
بس يوم النتيجه ده كان يوم معفرت مكنتش عارف شكلها ازاى ولا لو دبلرت وعدت ايه الى هيحصل ولا كان شكال حياتى هيبقى ازاى .
ولكن الزمن ضحك وعدت اليله على خير فرحت جدا تخيل واحد يبقى معاه مدتيين وفرحان اكيد مكنشى حد فى الدفعه عنده الاحساس ده غيرى .

وفاتت سمه اولى وعديت لتانيه بالمدتيين بس مش فاكر شكل تانيه ولا اى حاجه عنها الا دكتور كان قرفنا وكان بيحب دايما يكلم البنات ومطنشى الرجاله كان بصراحه بضنى وباضن الدفعه (الدكتور ده اتحقق معاه بعد الثوره عشان مشاكل ماليه د  م ابوسوسو)
وعدت مواده وكانت مدتييت تقريبا مفيش سنه فى الكليه او ترم مدناش فيه غير اخر ترم فى رابعه عشان احنا شلناه بعد الثوره
وكانت شويه مواد صعبه ومكناش عارفيين احنا بناخدها ليه وايه فايدتها نسيت اقولكو انا شلت ايه فى اوله (انا شيلت فيزياء ومادع علوم حاسب وده تخصصى دلوقتى انا فى قسم او تقريبا خريج علوم حاسب)
وعدت المواد والمتحانات والدكاتره الكويسين والحلوين ومعيدين كويسي زى د سيد فؤاد ومظ وليد العدروسى كانو احسن دكتوريين بشفهم فى الكليه وبعدين عرفت انى عندنا معيدين كويسسي كتير .
وفيه معديين زباله كتير .
وعدت مواد الداكتره البيضان والهبل الى كنو اصلم تجاره وكانو بيدو عندنا فى حاسبات (وفعلا كان داكتره ومواد تجاره بجد) لما زهقنا
وخصوصا فيه دكتوره او الحاجه كانت بتدينا اسمها عزيزه كوكانت عزيزه عزيزه يعنى ولا بتشرح ولا بتفهم تقريبا كنا بنحس انها اصلا مش فاهمه وعدت سنه تانيه بامتحانات التخلفات والمود الى معايا وفى امتحان الفيرزياء الدكتور كان عايز ينجحنا مع انى معرفشى شكله حتى بس كتبتله فى اخر ورقه الاجابه نجحنى يا دكتور وفعلا نجاحنى وكمان ماده علوم حاسب كان فيها دكتور طيب جدا الى درجه ممكن تقول عليها عبط ونجحنا برده بس كان محبوب وانا كمان بحبه مش بكره .
نسيت اول انى انا فى سنه اولى كنت حاسب درجات الرفع بتاعتى وكانت الكليه ادتنى فوق درجات الرفع بتعاتى يعنى انا مديون للكليه بدرجات بجد .......
وعدت سنه تانيه بدون شيل او مواد معايا وقلت اخيرا هعيش من غير شيل

جات بقى مرحله اختيار القسم
والى ميعلرفشى الكليه اختيار القسم ده من 3 اقسام مش هلك فيه لانهم قسم ادبى (نظم معلومات للبصمجيه) وقسم علمى (علوم حاسب الى دخلته )وقسم حلبنتيشى (تكنولوجيا معلومات)وهوه قسم مهجن كنت احتمال اخشه بس فى الاخر رحت علوم حاسب واجرى على الله

ودى سنه تالته بين ضيوف على الكليه وشفنا بقى المواد الرزله بجد وانصح اى واحد ان يخش القسم ده عشان يشوف القرف الى احنا شوفناه ومن تقل المواد بس بقيت تحس انها مواد مفيده وهتستخدمها بس فيه مواد رزله مش مفيده او مش هتهتم فيها فى مجالك
وكان برده دكاتره ومعيدين حلوييين وزباله
بس انا خلاص قررت اجتهد وكان ده بمساعده اتنيين من احسن اصحابى واحد اسمه حسام راضى بيقول دايما عليا غبى والتانى حبيب قلبى وفلزه كبدى احمد عاطف ودايما انا بستندل معاه وهوه يقول عليا انى ندل
زاكرنا سوى ونجحنا سوى طول السنه الرزله الى كان ارزل حاجه فيها ماده نظم التشغيل os
بس عشان يمكن دكتورها موضه فديمه من زمان قوى من زمان ال c
بس هوه اول واحد كان عايز الطلبه تفتح وتقرا كتاب 1000 صفحه وتقريبا نحج بنسبه 50  %
بس كان مصعبها علينا بس عدت وهوه دكتور خريج فنيه عسكريه ودايما مكنشى بيقوم من مكانه ومشهور عنه انه ده بيصقت يعنى هنلبس هنلبس وكل محاضره يعمل امتحان ولكن فى الاخر عدينا
وبعد كل النتايج الى شوفتوها دى نجحت فى سنه تلاته وكان تقدير
مش هتصدقو فى الترميين امتياز وكانت النتيجه الخلاصه امتياز وكنت كمان مرتب على الدفعه وكنت السادس ياه اخيرا رتيت وبقيت من العيال الدحيحه .

وبقيت فى سنه رابع سنه تكبير الدماغ سنه الجيد سنه الفراغ سنه انته هتشتعل ايه بعد ما تخلص
سنه سيبك من مواد الكليه وركز فى حاجه احسن تشتغل فيها من دلوقتى
وكنت حابب ان بعد 3 سننيي ميكروسوفت اسيبه بقى القرف ده وابص على الاوبن سورس
وشفت الينكس وقلت ادور فى c++
وفعلا عملت حاجه فى الينكس وزكرت RedHat مع نفسى وكمان c++
كمان ويتخللهم بعض البايثون وبيرل وبدات فى الاخر فى جافا وتقريبا هكمل فيها .
فاكر ايه من سنه رابعه ؟
مع انى لسه مخلصها النهارده مش فاكر منها غير وش مهندس محمد الدسوقى افظع معيد تقريبا هيبقى دكتور السنه الجايه وده كان هبلنا بجد
كان مخه جامد او لاسع عليه كلام وتصرفات بس بصراحه كنت بحب سكشنه وكنت بحبه وكان زى اى معيد يفضل مطنشى العمل للاخر ويوقم جاى ملبسنا فى الحيط وكله يخلص فى اسبوع وبرده كان فى الاخر يجيب التاسكات معموله وكمان يجيب اسطوانات نسلم عليها شوفتو الكرم
كانت سنه يمشى عليها مقوله الى تخاف منه ميجييش احسن منه
كانت ندخلن نمتحن ننفشخ بالمعنى الدراج وتعدى الماده وقشطه يعنى
كانت فى مواد تبقى خايف منها وتلاقى نفسك جايب امتياز فيها
بوعدت سنه رابعه وخلاص دفعت 2007 اتخرجت او لسه فاضيلها سنه وتتخرج
ده عباره
عن ملخص بسيط جدا لربع سنيين من  مواد ودكاتره وكليه بخصوص الطالب انا
من غير اى لقب تانى من غير وليد الى اتغير فكره 1000 درجه وبقى بتكلم فى السياسه وفى الاخر بقى ليبرالى
ومين عالم بكره هيبقى ايه
ده ملخص 4 سنيين
انا مفيش حد فى كليتى بكره كلهم بحبهم واخواتى
انا اخيرا طلعت من مرحله الانتحانات لسه مرحله الشغل واول حاجه هوه المشروع الى هفضل فيه شهر وبعديه هبقى خريج رسمى
هتوحشينى يا درجات الكليه ويا معاملها
هتوحشينى يا فتره فى حياتى عدت خلاص

===========
كلمتيين للزمن
انا مفيش تقدير فى الكليه مجبتوش من اول رن يعنى راسب نظرى لحد امتياز شيلت مواد وطلعت فى ترتيب على الدفعه بقول الكليه بتاعتنا دى كليه سهله المشكله فى لبختك وعدم تنظيمك وعدم معرفتك انته عايز ايه ححد هدفك بجد ده الى هينفعك  عايز تشتعل فى حاجه ركز عليها من البدايه
متخليش نفسك تقعد تجرب كتير اوى جرب سنه واشتغل فى المجال الى اختارته طول 3 سنيين فى الكليه هتلاقى نفسك بقيت كويس جدا