اراء سواق اتاكسى فى المرشحيين للرئاسه

الكلام الى جاى ده كان حوار مع سواق تاكسى كنت راكب معاه

الكلام بدا عن بنت كانت مشيه فى الشارع وسيبه شعرها 
وده مش عجبه 
ملحوظه : مش شيخ 
وبعدين سالته عن مرشحيين الرئاسه ؟
فقال انه كان من يوميين بيرشح حمدين الصباحى بس بعد كده قلته مع السلامه.
طب ليه ؟
قالى طلع فى برنامج على دريم (انا مشفتهوش) وجابوه فى حوار مع عيلته وكان شكل عيلته مش عجبه زى ابنه ممثل ومراته وبنته زى البنت الى كانت نمشى فى الشارع وسيبه شعرها.
سالته عن المرشحيين التانيين بس قبل ده سالته عن احداث امبابه ؟
ورده كان كويس جدا وانا كنت من اول المحرضيين على الثوره(انا خفت ليقول الفتنه) حسيت انه مش عارف احداث امبابه وا معاها ومضطهد المسيحيين بس طنشت .
وسالته عن عمرو موسى ؟
قالى لا يمكن الراجل ده يبقى رئيس جمهوريه .هوه مش عارف انه من النظام القديم 
ده حتى كان بيقول لو مبارك اترشح انا مش هترحش وكمان هرشحه للرئاسه .
فسالته عن البرادعى ,بس ركبت معانا ست بسيطه مش متعلمه ؟
وكان رده عن البرادعى ان راجل كويس ومعندوش اعتراض عليه والوقت ده الست اتكلمت وقالت ازاى نرشح واحد بيشتغل جاسوس لامريكا .وبعدين نزلت 
قلتله ايه رايك فى كلام الست دى ؟
قالى زى كل المصريين عقله فى ودنهم يعنى اى حد بيقول كلمه قدامهم بيصدقوها وده كان نتيجه التشويه الى حصل عليه وعلى سمعته وبنت ..
 وسالته تعرف  ايه بقى عن عيله البرادعى ومراته؟
قالى قريبا انجليزيه . وقلته لا دى مصريه ومن كفر الدوار واسمها فتحيه (انا مش متاكد من الاسم دلوقتى)
وقالى بس برده البرادعى مع انى معلييش عليه اعتراض بس لسه شكله مش باين ولسه مشفتش عيلته .
فحولت استفسر منه بقى ايه الى عايزه فى رئيس الجمهوريه طالما اشهر مرشحيين مش عاجبينه؟
قالى انا عايز رئيس مطحون من الشعب عايش وسطنا وحاسس بينا (عادى وده الى بيتقال غالبا) وكمان متدين يعنى مش سايب مراته كاشفه شعرها ولبسه بنطلونات (اشاره لسوزان ثابت).
فقلته مترشح نفسك بقى (السواقيين اكتر فئه مطحونه)؟
قالى لا انا مبفهمشى فى السياسه.
فكلمته عن الرشح المطحون ايمن نور  بما ناه اتحبس واتمرمط فى السجون؟
قالى راجل كويس بس الاضيه والحكم الى عليه دول كان نظامهم ايه !!


فسالته عن سيد طنطاوى ؟ قالى مين ده مات  وقلته سيد طنطاوى وتقريبا بقى مشهور عند غالبيه الشغب بلقب المشير انه الرئيس الفعلى دلوقتى لان رئيس المجلس العكسرى .
وبعدين اتكلم على الشيخ سيد طنطاوى وكان قال عليه شيخ العلمانيين ...وحسيت انه بيلبخ .
فسالته عن المرشحيين التانيين زى المستشار هشام البسطويسى ؟
وقال انا مش عايز ولا واحد من الجيش ولا الشعب ولا القضاء ..؟؟؟؟
دول كانو فين ايام الظلم والفساد ده كله محدش اتكلم ليه 
وبعدين سالته ايه رايه فى التكنولوجيا الى ثورتنا استخدمتها  زى الفيس بوك وتويتر ..؟
قالى الفضل لربنا وقلتله ونعم بالله شكل معندوش فكره عن الفيس بوك بس الغريبه قالى دور على الحلقه بتاعت حمدين الصباحى على اليوتوب (وليس اليو تيوب).
وبعديين وصلت
بس حسسسنى ان انا كبير فى السن لما قلته ان فى رابعه كليه وفاضلى شهر وخلص وقالى شكلك اكبر من كده.....

tweetdeck app for social networking users ده بالعربى

تويت ديك برنامج هيفور عليك كتير لو انته بتستخدم  twitter كتير او facebook
او اى social networking غيرهم 
هوه برنامج بسيط معمول بتقنيه اسمها adobe air يعنى برنامج 
على desktop
زى اى برنامج بس بيجيب الداتا بتعته من النت يعنى online desktop application
الداتا دى بتتعرض فى عموايد columns العموايد دى عباره عن الحجات الى انته مخترها من twitter او ال face
زى allfriends in twiitter يعنى timeline بتاعك
او ممكن تكون mention
او newsfeed فى الfacebook ممكن يكون ال column ده hashtag انته متابعه زى #egypt مثلا او #android وغيره

البرانامج موجود لكل os تقريبامن windows وlinuxوmac
وكمان الموبيل من iphone وblackberryوsymbian(nokia يعنى)
وandroid وغيرهم كتير
هيعجبك وهيوفر عليك تحميل twitter

ده الينك بتاعه ادخل وجربهtweetdeck

حرب امبابه

حرب امبابه
احداث طائفيه بين المسلميين والمسيحيين
تسببت فى قتل 12 مواطن وجرح 200
تسببت فى حرق 3 كنايس
تسببت فى انخفاض البورصه المصريه
تسببت فى زياده الفرقه بين طوائف المجتمع المصرى
تسببت فى زياده عدم الثقه بين الدوله وبين الشعب فى قدرتها على اداره الدوله

القصه
واحده اسمها عبير ,تقريبا جاهله ومتعرفشى حاجه, سابت جوزها المسيحى وهربت منه وراحت اعلنت اسلامها
هتجوز واحد مسلم بعد ما القاضى يحكم فى قضيه الطلاق من الزوج المسيحى.
اهلها عرفوا مكانها راحو جيبنها وودوها الكنيسه مارمينا بامبابه
قالت انها متعرضتشى للتعذيب ولكن لمناقشه من الكنيسه كمان قالت انها كانت محبوسه جوه الكنيسه
.
وصل اخبار للسلفيين هناك ان فى واحده اسمها عبير محبوسه فى الكنيسه راحو يدخلو الكنيسه ويفتوشوها
كان فيه شيخ ظهر فى فيديو اسمه ابو انس اشرف قال ان المسلم رايح بطوبه والمسيحى معاه سلاح
وقال كمان ان احنا منبقاش رجاله لو مولعناش فى كنايس امبابه

 
وبعدين نزل فيديو يكذب فيه الكلام ده
 

.
المهم خدوا الرجاله بالسلاح وراح ظبطوا المسيحيين وقامت معركه بينهم ومات فيها 12
دى كل الحكايه
.
قبل الاحداث تظهر كامليا وتعلن انهامسيحيه ولم تكن مسلمه ولمتذهب للازهر ولم تعرف شيخ اسمه ابو يحيى.
.
ظهور بزى الخيبه لقوات الشرطه بعد عدم قدرتهم على حفط الامن داخل احياء القاهره وعدم سيطرتهم على هذه الفتنه الطئفيه
فين المخابرات وفين امن الدوله .
القبض على 190 متهم من بينهم الشيخ ابو نس
ومن المصرى اليوم ااسماء 450 متهم فى احداث امبابه

وقفات احتجاجيه بالاسكندريه للاقباط

وقفات امام مسبيرو للاقباط وحاولو اقتحام التليفزيون
بعض الرموز الوطنيه تعمل مسيرا فى امبابه عشان الوحد الوطنيه من حمدى قنديل ووائل غنيم

النهايه

تلت احداث

وهم بخصوص الطب الشرعى ومحاكمه متهمى قتل المتظاهريين واتفاق مصالحه فلسطينيه
البلد اليوميين دول لسه الثوره موصلتشى لكل الناس ولكل المؤسسات فى مصر
ساعات بحس ان الثوره فى خطر ممكن الفساد يرجع تانى بصورته القديمه ويظهر فى كل حاجه تانى فى حياتنا من اول وزاره الداخليه لحد وزاره العدل لحد رئاسه الوزاره .
امبارح شاب افرج هنه بعدد شده ودن من رئيسه فى العمل (تعرض للاهانه فى السجن من مقدم) رئيسه فى العمل الى هوه رئيسء مصلحه
الطب الشرعى (السباعى)
فاكريين خالد سعيد شهيد الاسكندريه الى كان سبب من اسباب الثوره المصريه طلع واحد مات مخنوق بسبب لفافه بنجو بسبب تقرير الراجل ده
وبعد حمله اعلاميه عليه رئيس الوزاره اقاله من منصبه
على قد ما الخبر فرحنى على ما قد احساسى بالخوف ان البلد مش هتمشى ولا الحكومه هتشتغل ولا الناس هتتحاسب الى بالضغط على المجلس العسكرى ورئاسه الوزراء
وده مش عايزينه عايزيين الوزاره تعرف فين الفساد من غير حملات اعلاميه عليه لان الفساد كتير والحملات الاعلاميه هتفضح مين ولا مين
بس على الاقل ده حاجه كويسه ان الوزاره استجابه بسرعه
ولكن الخبر التانى كان بخصوص شهداء الثوره ورد الجناين وكانت امبارح محاكمه 13 ظابط من المتهميين بقتل المتظاهريين حصل ميت حاجه تحبط
اولا الظباط دول مستمريين فى شغلهم الى جانب ان بعضهم اترقى
ثانيا مش مقبوض عليهم تخيلوا انهم فى الشارع ويقدروا بمركزه ومركز عائلتهم انهم يتضغطوا على عائلات الشهداء عشان يتنازلوا عن القواضى
وتالت نصيبه انهم امبارح كان محاكمتهم فقام القاضى المحترم بتاجيل القضيه شهر كامل متحديا شعور الناس ودون علمهم بهذا الخبر تم تسريب الظباط من قاعه المحكمه دون اعلان القاضى علنيا قراره بالتاجيل
فثار اهالى الشهداء عليه وحطموا المحكمه لانهم لم يحسوا بها بالعدل والانصاف
لانه بعد الثوره ما زال البيه الظابط 
شايف نفسه فوق 
القانون ميقدرشى حد يمسه او يسجنه حتى لو اتسجن بيرجع تانى لوطفته ويمارس نفس الاساليب
الرخيصه مع المواطنيين من ارهاب
والظلم تانى
 لابد من ارهاب هؤلاء الظباط ويتيقنوا انهم عند خطئهم او اجرامهم فى حق المواطنيين ستلاحقهم العداله ولن يكونوا فوق القانون
واخيرا
اليوم وقعت الفصائل الفلسطينه اتفاق مصالحه بينهم رجعت وحد الفصائل ورجعت فلسطيين جزء واحد لا لتفسيمها الى غزه والضفه
ولكن لماذا فى هذا الوقت يالتحديد يحدث هذا الاتفاق ؟
مش مهم الاجابه المهم ان فيه تحرك لانتفاضه فلسطينه ثالثه يوم 15 من هذا الشهر وسنساعد هذه الانتفاضه وندعمها ومن مصر وكل الدول العربيه
عشان كده يوم 15 وقفه امام السفاره الاسرائيليه  يارب تنتهى بشىء كبيير يؤثر على كجرى القضيه الفلسطينيه العادله

حريه العقيده

انا هتكلم النهارده عن الانسان وحقوقه
بس الاول نعرف مين الانسان ده
 وهوه ببساطه اى حد على الارض
وطبعا الانسان ده ليه حقوق وحقوقه دى ملهاش دعوه بحجات كتير ومبتتاثرشى
 بيها زى لونه ابيض ولا اسود
جنسيته عربى ولا امريكى
ديانته مسلم ولا مسيحى
يعنى لو الراجل ده اتولد مسلم ليه حقوق لازم ياخدها
ولو اتولد وملوش ديانه ليه نفس الحقوق الى لازم يا خدها
حقوقه مبتتاثرشى بدينه
طيب ايه الحقوق دى
الحقوق دى كتيره اوى زى حق الحياه حياه كريمه محترمه من غير ما حد يهينه او يستعبده
وحقه فى الاختيا ر من غير اى اجبار يعنى انته متقدرشى تفرض عليه حاجه هوه مش عايزها
زى شغله او بلد يقعد فيها او نوع اكل
او حتى لبس معين يلبسه
بس النهارده بتكلم عن حاجه مهمه جدا تحت باب الحريات وهيه حريه العقيده
يعنى ايه بقى ...
هيه ان الانسان حر فى الاعتقاد ؟
يعنى ايه الاعتقاد انا عقيدتى الاسلام يعنى بؤمن بيه
يبقى حريه الاعتقاد تخلى او واحد يعتقد فى اى شىء او بمعنى تانى حريه التدين
يعنى الانسان حر فى اختيار دينه وعقيدته وكمان الالاه حتى لو كان هيعبد البقر
لان ده حققه فمش من سلطتك انك تختارله العقيده بتاعته او تجبره على الاستمار فيها غصب عنه
يعن مقدرشى اجبر واحد مسلم وقرر يسيب دينه انه يفضل مسلم او يهودى انه يفضل يهودى او ميسحى او غيره
الانسان حر فى اختيار دينه
يعنى ان مقدرشى اعاقبه عشان غير دينه لان دى حريته الشخصيه
يعنى ان مقدرشى اجيب واحد ووديه الهند واجبره ان يعبد بوذه او البقر
هوه ده ينفع اصلا ان تكبر واحد ان يعبد حد ؟
اكيد لا لان الانسان بيعبد الى هوه عايزه
يعنى ممكن تشوف واحد بيروح الكنيسه غصب عنه وهوه مسلم وبيصلى من جواه
او مسلم بيروح الجامع وهوه مسيحى من جواه
فانته متقدرشى فعلا تجبر حد ان يعبد او يعتقد فى حاجه هوه مش عايزها

فى الاخر :
 انا حر ابقى مسلم او مسيحى
انا حر اسيب الاسلام او المسيحيه
 من غير ما حد يقتلنى او يعقبنى على انى مرتد او اى كلام من ده
ربنا خلقنا عشان نبقى احرار من غير ما حد يستعبدنا او يجبرنا على حاجه مش  عايزنها حتى لو كانت دين