هنقول للاخوان فله شمعه منوره ومش هتفرق معانا مشركتك يوم 27

جماعه الاخوان المسلميين ومليونيه 27 مايو 
بس الاول شويه معلومات عن يوم 27 مايو 
1- ناس كتير دعت له زى 6 ابريل واتلاف شباب الثوره وحمله البرادعى وحمله دعم عمرو موسى والجمعيه المصريه للتغيير وبعض الاحزاب زى حزب العمال الاشتراكى وجمعات تانيه زى اتلاف ثوره الوتس والاشتراكيه الثوريه والجبهه القوميه للعداه والديموقراطيه 
2- events كتيره جدا دعت ليها على الfacebook
3-ومع كل events وكل الداعيين لمليونيه يوم الجمعه 27 مايو 
الى انا منهم لم نتفق على سبب رئيسى او طالب رئيسيه 

=======


اختلفنا علىقنا جميعا انه يوجد
اشياء مثل مجلس مدنى وعسكرى 
ولكن اتفقنا جميعا ان ما يحدث الان هو التفاف على الثوره ومطالبها 
من محاكمه الرئيس المخلوع وجميع اعوانه وعائلته الفاسده الى تخليص البلد من فساد من يديرها من موظفون داخل وزارت ومجالس محليه وعمداء كليات ورؤساء جامعات اضروا الحياه السياسيه وكافه النواحى الاخرى 

===================
اتفق البعض على مطلب المجلس المدنى
جمعه استعاده الثوره بمطالب عيش.. حرية.. كرامة إنسانية وده وتطالب بتطهير الهيئات من المفسدين التابعيين للنظام السابق
ومنهم من اطلق عليها ثوره الغضب الثانيه نطالب بمجلس رئاسى مدنى مؤقت منتخب من الثوار

============
هؤلاء دعوا للتظاهر السلمى معبريين عن عدم رضاهم عن المجلس العسكرى وغضبهم عن عدم اتخاذ قرارات فى صالح الشعب واستبدادهم بالسلطه دون مشوره القوى السيايه الاخرى 


ولكن فى الناحيه الاخرى  ظهرت جبهت المعارضيين ليوم 27 مايو 
وعلى راسهم الاخوان المسلميين .استخدمت الخداع للتخويف الناس من النزول والمشاركه 
شوف كده و كمان كده
طلع الى هيشركو فى يوم الجمعه دول علمانيين وشيوعيين وكمان بيخلفو الدين 
ايه اسلوبهم ده بيضحكو على الناس الغلابه الى مش عارف حاجه .باسم الدين 


بس اذا كانت الجماعه مش هتشارك فيها شباب زى الورد هيشاركوا وفيهم ناس اصحابى محترميين هيشركوا 

زى ممثل الاخوان فى ااتلاف شباب الثوره  معاز عبد الكريم


======
وردا على الحمله الى بتعملها الاخوان على القنوات كانت دى مداخله النعارده فى برنامج على المحمور كان فيه الدكتور عصام العريان ودخل فى اتصال هاتفى معاهم المتحدث الاعلامى لشباب 6 ابريل محمد عادل ورد عليه
 
وده كويس ان الجماعه فيها شباب يستطيع الاختيار بدون فرض الراى عليه من قبل قيادتها 


بس كويس ان الجماعه مش هتشارك وبتحشد الناس ضد الجمعه الجايه ؟
ليه ...
عشان يعرفوا ان تاثيرهم فى الشارع مقداره قد ايه وهمه مش الى هيتحكمو فى الشارع السياسى الى مليان قوى كتير ومختلفه 
.
بس يريت الاخوان متجيش فى الاخر ونقول احنا شاركنا بشاببنا وكوادرنا ....

وفى النهايه ريت اليوم ده يعدى على خير من غير اشتباكات بين الجيش والشعب والثوار ويريت المجلس توصله رسالتنا كويس 
يريت المشاركيين ميحولش يعملو مشاكل مع الجيش او يحتكوا بيهم لان دول اخوتنا وخلينا ناحفظ على البلد وخلينا نحرص دايما على كلمه سلميه سلميه 


===============
6 ابريل الى انا واحد منهم شبابهم بيوزعوا منشورات عشان الجمعه الجايه بس امبارح فى مدينه نصر تم القبض على 
  الناشط ابراهيم عابد في منطقة زهراء مدينة نصر ... اثناء توزيعه منشور الدعوة ليوم 27 مايو 


وهوده المنشور  الى انا هوزعه النهارده 


وشكرا للاخوان وفى انتظار جمعه التطهير الشياى كما اطلق عليها ائتلاف شباب الثوره

الائتلاف معانا فى 27

تدوينه امبارح الى مانت عن المجلس العسكرى وديكتاتوريته وانفراده بالحكم مش احساس من 6 ابريل بس او الجمعيه المصريه للتغيير بس .
من يوميين واحد صحبى قالى الائتلاف قال ايه على مظاهرات 27 وكان ساعتها الائتلاف لسه مقلشى حاجه .
بس النهارده وفى الحوار الوطنى ده الى حصل وده فيديو من 

انا ضيفته فى تدوينه جديده لاهميته لابد من اتحاد القوى السياسيه لاستكمال مطالبنا 

وده الى اتقال فى الفيديو

أعلن الناشط السياسى خالد تليمة، عضو المجلس التنفيذى لائتلاف شباب الثورة، انسحابه من جلسات الحوار الوطنى، واصفها بغير المعبرة عن الحوار، مؤكدا أن مكانه فى ميدان التحرير يوم الجمعة المقبل.

وقال خالد: "المجلس العسكرى فقط هو من يدير المرحلة الانتقالية، والدكتور عصام شرف ليس له أى دور فى صياغة القوانين التى تخرج لنا يوما بعد يوم، ولا فائدة أو جدوى من الحوار على الإطلاق

لا لاى ديكتاتور

بعد 3شهور واسبوعيين من تنحى مبارك 

هنتكلم عن البلد وعن الى بيحصل فيها.

هوه ايه الى بيحصل فى البلد 

طب ماشيه ازاى 

طب احنا يوم 30 مارس 2011 طلع اعلان دستورى وكان عليه اختلاف ؟فاكريين الاعلان ده كان عليه اختلاف ليه ؟

طب فاكريين مبارك ؟

فاكريين جرا له ايه طب علاء وجمال طب سوزان وزكريا عزمى 

طب قوانيين الى ظهرت عارفيين عنها حاجه ؟

طب فى حاجه اسمها محلس الحوار الوطنى وفى حاجه تانيه اسمها مجلس الوفاق الوطنى . تعرفوهم؟

طب مين الى فيهم 

طب البلد واوضاعها الاقتصاديه ايه رايكوا فيها ؟ايه رايكوا ان من يوميين يقولوا انهم استلفوا كام مليار من البنك الدولى .

يظهر الكلام عن العيوب بتاعت القرار ده ويتكلموا عن ان ليه مجبناش فلوس من العرب او فلوسنا المنهوبه بره ؟

انتوا حاسيين ان انتو تايهيين ولا انا بس الى تايه .

طب مصر دلوقتى مين الى مشيها المجلس العسكرى .

طيب من المجلس العسكرى .ده؟

طيب فاكريين البلطجيه والمحاكمات العسكريه السريعه الى وصلت الاحجام الى فيها بالاعدام .

طب المحاكمات للبلطجيه يستهلوا بس مين البلطجيه دول .

هل هما بتوع حقوق الانسان والى قرارات المجلس العسكرى مش عجباهم ولا الى بيتظاهروا قدام السفاره الاسرائيليه ؟

دول البلطجيه الى بيتحكموا عسكريا (على فكره انا مش مع ان اى حد يتحاكم عسكريا وبرفضه جدا حتى لو كان المتهم قاتل لان من حقه الطبيغى انه يتحاكم قدام قاضيه الطبعى والقضيه تاخد مجراها مش يتقبض عليه امبارح يتحكم عيه بكره ب 5 سنيين سجن)

طيب فاركيين احداث الفتنه الى حصلت فى البلد بعد الثوره ؟

طيب فاكريين همه كام واحده ؟طب كام مشكله كان سببها تعصب دينى ؟الى فاكريهم دلوقتى 

ناس هدوا كنيسه وده كان اول مره تحصل فى مصر وده كان فى ابو قرقاص بالمنيا 

فاكريين الاضرحه الى السلفيين قالو هيهدوها وهدوا جكام ضريح كده 

طب فاكريين كامليا شحاته الى ظهرت مشكلتها قبل الثوره واستمرت بعد الثوره (ملخصها واحده اعلنت اسلمهابس طلع حوار فكسان وهيه لسه مسيحيه) والهيسه الى السلفيين عملوا عليهامظاهرات بعنوان طلعو اختنا كامليا

طب عارفيين كمان انهم راحو وحاصرو الكتدرائيه المرقصيه بالعباسيه 

طب من اسبوع او 10 ايامفاكريين احداث كنيسه امبابه الى مات فيها12 بسبب واحد اتانيه اسمها عبير والسلفيين كان جزء منها واتسبب فى حرق كنيستيين فى امبابه 

فاكريين اعتصام الاقباط قدام ماسبيرو وده لسه متفض امبارح 

طب خلاص حوار الفتنه ده .

نشوف القانون والسياسه .

وقانون الاحزاب الى اتعمل من غير ما الناس تناقشه وكان بيحط مشاكل قدام الحزب الجديد ان يعمل لنفسم داعيه ومصاريف فوق طاقته .كانه عقبه فى انشاء الاحزاب .والى بيقول ده قانون كويس الى خلى اى ةواحد يعمل حزب بس كان فيه حلول احسن لو تم تشاور عليه من خلال القوى السياسيه الجديده الى مش هتقدر تعمل دعايا لاعضائها المؤسسيين فى جريدتيين 

طب قانون مباشره الانتخابات ووكان الحوار قبل ما يظهر عن حق المصريين فى الخارج من التصويت وده راى دكتور البرادعى عيه 

البرادعى وتشوش القرار السياسى

سيبك من القانيين الى بنصحى ونلاقيها موجوده 

خلينا فى اقتصادنا الى شويه يقولوا ميت وبنشحت والمضاهرات هتخلينى نشحت بجد وشويه يقولو ا ن مصر السنه دى هتكتفى ذاتيا من القنح بنسبه 88% . يا سلام مره واحد من بعد ما كانت بتستورده السنه الى فاتت بقى فيه اكتفاء .
طيب سيبنا من الاقتصاد وخلينا فى النظام القديم الى لازم يتحاسب 
شويه قالو هنجيب مبارك طره ظهرت حرب امبابه سكت الموضوع شويه وطلعو ا سوزان بعد ما اتنزلت عن 24 مليون ,وشويه واخرجوا زكريا عزمى .
لحدما الناس قالت لا ايه الى بيحصل رجعوا تانى سجنو عزمو وطلع عاصم الجوهرى رئيس جهاز الكسب غير المشروع وقال كلمتيين يهدوا الجو 
بعد الكلام ده 
انا شايف ان البلد ماشيه مش عارفه راحه فين من الى بيتحكم فيها .
يا ترى المجلس العسكرى الى مش عارف ياخد قرار عدل ولو عارف يؤد اى فتنههوه والداخليه وبدل ما يعقبو المتسببن فيها بيبعتو ليهم امحمد حسان ويعقعدو جلسات عرفى لحد من الناس بدات تحس ان البلد معدتشى بلد قانون 
كلام الاضراب والتخبط والمشاكل دى لازم تنعدل .
انا حاسس ان المجلس العسكرى ده بيجس نبضنا شويه يطلع سوزى وكمان زكريا ويشوف الشارعوبعديين يقول مبارك بيسجل خطاب للعفو عنه .
حاس ان المجلس كمان ماشى بالضغط مش بيعمل حاجه بمزاجه وفالح بس بيقول ان القانون واخد مجراه وانه لايرضخ للشارع وبعد ما حبس ناس 5 و10 سنيين بحكم عسكرى والناس قالت له انته سايب مبارك فى مستشفى 5 نجوم وبتحاكم متضطاهرى السفاره عسكريا راح فى بيناهه 45 و 55 مطلعهم من السجن 


انا بقول لا لاى داكتاتور حتى لو كان انته يا مجلس يا عسكرى لازم نعرف البلد راحه فين لاوم القوى السياسيه تعرف البلد فيها ايه ويتشارو فى الطريق الى البلد ده هتمشى فيه .
لازم نوصل للمجلس العسكرى انه مش من حقه ينفرد بالسلطه ويصدر قرارات بعيده عن الشعب وعن الى هوه عايزه .
ده كلام اسماء محفوظ لو حسيت ان البلد تايهه لازم تنزل مظهرات االجمعه الجايه يوم 27 -5 

من حقى  اقول لا للمجلس العسكرى على تسلطه 


----------------------------------------------------
-----------------------------------------------------

الزمالك فاز النهارده على المقاوليين وبقى الاول على الدورى .

الحدث ده لازم يتسجل .

يا صحجبيه ايه يا لاللى

اغنيه سيد درويش يا صحجبيه 

انا بحب الاغنيه دى 

 

يا ملتقى الصحبة ...يا لالالى
يا وردة فى الصحبة ... يا لالالى
يا منورين فى القعدة تماللى ...
يا صحبجية ... اية يا لالالى
عايزين شوية ... اية يا لالالى
حاجة م-ال-هية ... اية يا لالالى
حبة اهات على عين على ليل
على لالاللى

يهجرنى قال و يقول معلهش ...
يهجرنى قال و يقول معلهش ...
اورى للناس ازاى وشى...
اورى للناس ازاى وشى...

هية القسية شوية علية
يا صحبجية ... اية يا لالالى
عايزين شوية ... اية يا لالالى
حاجة م-ال-هية ... اية يا لالالى
حبة اهات على عين على ليل
على لالاللى

الحلو قال جايلى و لا جاشى
الحلو قال جايلى و لا جاشى
بقيت اكلم روحى وانا ماشى
بقيت اكلم روحى وانا ماشى

هية القسية شوية علية
يا صحبجية ... اية يا لالالى
عايزين شوية ... اية يا لالالى
حاجة م-ال-هية ... اية يا لالالى
حبة اهات على عين على ليل
على لالاللى

انا و حبيبى روحين ف-ذكيبة
انا و حبيبى روحين ف-ذكيبة
يتعلموا منا-لحبيبة
يتعلموا منا-لحبيبة

كدنا العوازل جتها رزية
يا صحبجية ... اية يا لالالى
عايزين شوية ... اية يا لالالى
حاجة م-ال-هية ... اية يا لالالى
حبة اهات على عين على ليل
على لالاللى

الانتفاضه التالته الجمعه 13-5-2011

النهارده كان اول يوم للنتفاضه التالته او التجهيز ليها 
انا كنت مسافر لرفح بس  تعبت جدا ورجعت تانى المنصوره كان عندى اشتباه فى الزايده وبعدين التهاب فى المسالك البوليه وبعد حقنتين او تلاته وكميه حبوب مسكنه كويسه بدات استريح الحمد لله 

حصل ايه النهارده بقى ؟
قبل الىحصل انا احب اقول ربنا يكون فى عون الفلسطنيين الى مبيلقوش علاج فى المستشفيات ولا اكل ومتحصريين وطالع عنيهم انا حسييت قد ايه الشعب ده اكتر شعب اتظلم وعانا كتير .
فربنا ينصرهم يارب 

نبتدى بقى باليوم من اول صلاه الفجر الى صلتها فى مسجد السلاب كان موجود الشيخ حازم شومان وتقريبا الشيخ على قاسم بعد ما صلينا 
والشباب ربنا يحميهم هتفوا لفلسطيين والانتفاضه والشيخ شوماندعى للانتفاضه بدا الجروب الى انا طالع معاه يتجمع استعدادا لرحله رفح كانا تقريبا 18 واحد من المنصوره ,الشيخ على بدا يكلمنا وينصحنا وبعدين دعلنا ,مشينا تقريبا الساعه 5 
رحنا الموقف الدولى عشان نركب القاهره .
بدا التعب والرهاق يظهر فى الاتوبيس لانى مكنتش مرتاح وانا قاعد على الكرسى والم فى بطنى 
قلت يمكن عشان انا جعان سافرنا ووصلنا القاهره ودخلنا الموقف فى عابدين مرورا بشبرا.
الى بطنه كانت وجعاه او عايز يدخل الحمام بتاع الموقف ,دخل وبعدين قررنا ان احنا هنكمل مشى ونصل لرمسيس 
واحنا فى الطريق كنا رافعيين علم فلسطيين وكان فيه مناس بتسالناانتو راحيين التحرير ونا تسالنا انتو راحيين فلسطيين .
لحد ما وصلنا رمسيس وقابلنا مجموعه شباب كانت برده شايله علم فلسطيين وراحيين التحرير ولكن احنا كملنا عكسهم لاننا مش راحيين التحرير .كنا راحيين النصب التذكارى للجندى المجهول عشان ده مكان التجمع بتاعنا الى منه كل قوافل المحافظات هتجمع عنده ونبدا بعدها مشوار الزحف الى فلسطيين 
واحنا فى الطريق بتاع التجمع السابع او السادس تقريبا مقر الجندى المجهول 
قررت انى اجيب بسكوته عشان وجع بطنى ويا رتنى ما جبتها 
تقريبا هيه سبب التعب كله .كلت نصها وبعدين واحنا فى طريق صلاح سالم كلمنى وشاب وسالنى انتو راحيين فين وبعدها عرفت منه انه طالب فى تانيه علوم القاهره وقلتله ان احنا مسافريين رفح 
وقلى انه زعلان جدا انه مش مسافر معانا وهو كان ماشى فى طريق على فكره وسابه ورجع معانا يوصلنا وقال دى ااقل حاجه اعملهلكو وربنا معاكو وينصركو.
وبعد مشى كتير نصحنا ان احنا نركب لان لو فضلنا مشيين هنمشى حوالى ساعه فتجمعنا وقررنا ان احنا ناخد ميكروباص ووصلنا لنصب الجندى المجهول الى اول مره اشوفه 
واول رمه اشوف الجنود الى واقيين قدامه ومبتحركوش ابدا انا اول ما شفتهم حسيت انهم تماثيل بس طلعوا بني ادميين .
وصلنا بدرى قبل الميعاد ورحنا مسجد رابعه العدويه قعدنا فيه لحد الظهر .
وفى الفتره دى حسيت بوجع شديد وقىْ وبعد محاولات بالاستحمال والنوم والحبوب المسكنه هقررت انى ارجع وكنت زعلان جدا جدا
واحد من الى كانو معايا وصلنى عشان اركب ميكروباص رمسيس عشان اركب القطر
قابلنى واحنا واقفيين واحد نقريبا رايح يتظاهر قدام السفاره الاسرائيليه
وهوه الى دفعلى فى الميكروباس وانا فى الطريق عديت على العباسيه وشفت مسجد النور وشوفت كنايس كتير وتقريبا شوفت الكتدرائيه بس مش عارف هيا انهى واحده
بدات رحله العوده بالقطر وكن الالم بدا يخف 
كان يوم صعب جدا عليا بس الحمد لله وربنا ينصر ويرجع الى سافرو بالسلامه 
لما رجعت المنصوره واحد دكتور ساكن معايا  كشف عليا وبعديين كشفت فى مشتشفى الطلبه وبعدين فى المستشفى العام وادونى مسكنات ومحبوب 


باذن الله هروح فلسطين 
انا على اتصال بالجروب الى مسافر وهوه دلوقتى عدى كوبرى السلام بس الجيش هناك مشدد جدا 
انا بتصل بيهم كتير عشان اتطمن عليهم 
ربنا يرجعه بالسلامه