ورق الدعوه لملونيه الجمعه 27 مايو
اتقبض على واحد مننا هوه الناشط محسن العياط ولكن تم الافراج عنه بعد 30 دقيقه من احتجازه من قبل الشرطه العسكريه
بعد ما عرفنا الخبر باحتجازه وفقنا التوزيع .
الناس الى كانت فى الشارع كانو معانا بس وقفى واحد وقلى انتو وديتو البلد فى داهيه وكمان بتتمولو من بره .
طبعا انا مردتشى ومشيت لانى كنت عايز اوزع اكبر كميه وكمان عشان موضوع محسن واحتجازه ..
++++++++++
التحرير من ساعتين فيه ناس وهتافات زى
رسالتنا فى التحرير مش حسين بالتغير وغيرها ممكن تشوف الفيديو ده وهوه من التحرير من 3 4 ساعات كده
+++++++++++++++++
انا مسافر النهارده التحرير باذن الله وتحديدا بع ساعه هركب من قطر المنصوره القاهره
.
يريت اليوم يعدى على خير والاختلاف فى اسباب النزول ده ميولدشى مشادات بين الناس فى الميدان
زكمان ربنا يستر بعد ما الجيش نزله بيانه 58 بيقول انه مش هيبقى متواجد فى التحرير وبيطالبنا باننا نعمل لجان شعبيه .
(وكان رد الشباب انهم طلعوا بينا بنفس استيل البيان بتاع المجلس العسكرى وكتبوا فيه "ربنا الحامى يا رجاله " والله الموفق والمستعان ")
فربنا يستر ومتقلبشى بغم او ببلطجيه .
.
الى التحرير الى جمعه الفساد السياسى .
الى جمعه تصحيح الثوره
========
للذكرى بس : دلوقتى حالا لقيت خبر بيقول ان صفوت حجازى بيقول انه لن يشارك النهارده لان مطالب الثوره بتتحقق
وردا عليه برده من التويتر بتاع @ahmedelbadry555
واحد مصاحب محمد حسان والحويني عايزينه يطلع ايه؟ طيااار؟
No comments:
Post a Comment