حوار مع صديقى السلفى

 ده كان تعليق الصديق :

للاسف واحد صاحبى النهارده ( بيقول على نفسه ليبرالى ) ..بيقولى تطبيق الاسلام ما نجحشى الا فى عهد الرسول عليه الصلاه و السلام والخلفاء الراشدين ...علشان كده الحل فى الليبراليه !!

.....

بصراحه انا حزين على ان شاب مسلم مش فاهم دينه و لا قرا تاريخه الاسلامى ...حسبنا الله و نعم الوكيل فى اللى ضللوا شبابنا 

...حسبنا الله و نعم الوكيل

وده كان ردى 

الكتابه فيها اخطاء املائيه :
معلومه على السريع استقاله رئيس موقع اخوان اون لاين بسبب تصريحاته فى الجرنان الغير منطقيه عن مليونيه الجمعه
قبل ما تقرا : قبل ما نتخانق على الدوله تبقى اسلاميه ولا ليبراليه يريت الاول نبنى الدوله عشان لو فضلنا كده مش هنلاقى ولا دوله ليبراليه ولا حتى دوله ملوخيه وهنلاقيها فى الاخر دول حوكشه واخواته الخمسه .
قبل ما تقرا :غلطه مبارك ان حاول يدارى على الاخوان ولو كان سبهم يطلعوا كان صبحى صالح خلى الشعب يبعد عنهم فى  سنيين بس وتحدى ؟
بلاش تعصب .
وبلاش تقول عليا ان مش فاهم وجاهل وبلاش لما تتزنق تقول انا كنت بهزر لان انا الى هقولها  اتفقنا ؟
اخيرا هتكلم . بس رايى ده حهوه رايه لحد الساعه الى بكتب فيها دلوقتى ممن ارميه فى الزباله وممكن اغيره ةوممكن افضل عليه طول العمر .
الى قلته بقى الدوله الاسلاميه لم تنجح فى الا فى عهد الرسول والخلفاء الراشديين
فى ناس من الى ردو متفقيين معايا ومفيش خلاف اصلا بينا .
ليه بقى انا بقول كده ؟
عندك الدول الاسلاميه العظيمه زى الامويه والعباسيه والعثمانيه وجواهم دول زى الفاطميين والايوبيه وكام حاجه تانيه
الدول دى الى هيه فخر العرب وتاريخهم لمده 1000 سنه مش عجبانى . ليه ؟
لانهم دول ديكاتوريه . يعنى ايه دول لم تتبع اى نظام ديموقراطى فى اختيار رئيسها زى الى بيحصل دلوقتى فى دوله زى السعوديه يعنى الامويين فضلوا مالكيين الحكم ويورثوه لعيالهم
لحد ما تقوم حرب  وياخد العباسيين الخلافه ويورثوها وياجى العباسيين وطل دوله من دول تحكم الناس وتبيع وتشترى فيهم كانهم تركه ليهم .
ده انا مش عايزه فى دولتى الى هعيش فيها دولتى الى يحكمها ياجى بانتخاب والشعب يختاره .
الدول الى فاتت كان الحاكم يفضل يحكم لحد ما يموت يعنى ممكن تلاقى رئيس يفضل يكم لحد ما يبقى عنده 82 سته زى مبارك وزى ملك السعوديه وزى ادى دوله قديمه .
وده كمان انا مش عايزه . انا عايزرئيس الدول انتخبه كل فتره مش يفضل قاعد فى ارابيزى طول العمر يعنى ممكن اموت وهوه لسه بيحكم من 20 سنه .
عايز رئيس دولتىيبقى سنه معديش 60 سنه مش يفضل يكم لحد ما يموت .
عاسز دوله فيها حريه راى وتعبير كله واحد يقول رايه بصراحه من غير ما حديشكك فى نيته او ينعته بالجهل واو
يتهمه بالضلال .
مش عايز دوله زى الى اتحبس فيها شيخ الاسلام ابن تيميه فى السجن .
.
عايز دوله يكون فيها احترام متبادل ومفيش حجر على راى حد عايز دوله مواطنيها بيحبو بعض مش بيبصو على بعض على انهم كفره .

===================
وبخصوص التاريخ الاسلامى وحكايه مش فاهم دينه ؟
مش انته الى تحكم عليها ولا اى حد لان كل واحد من الفرق الاسلاميه يا اكرم شايفه ان هيه الى صح والباقى غلط من اول الوهابيين وفكرهم فى السعوديه وفكر السلفيين فى مصر وفكر المعتزله وفكر الشيعه
يعنى قمه النعصب انك تعتقد ان انته بس الى صح .
خليك ليبرالى وخليك فاكر ان الى بتقوله يمكن يكون غلط .
وكمان نقطه مش فاهميين الدين ؟
هوه مين الى فاهم الدين من كل الشيوخ دول .
طيب انته مشيت ورى الشيخ محمد حسان فى راى واعتبرت رايه ان هوه ده راى الدين مثلا  مع ان ممكن يكون فى ميت شيخ تانى ليه رايه
ومتقوليش ان احنا بنمش ورى الشيوخ بتوعنا .لان ممكن يكون الى بيخلفهم فى رايهم من نفسم المنهج بتاعنى ممكن تلاقى شيخ زى بم حزم بيقول راى والشيخ محمد عبده بيقول راى تانى مش زنبى بقى انى خدت راى فى الدين مشى
من نفس الشيخ الى انته بتحبه وتسمعله وهتلاقى اختلافات فى الراى كتير بين الشيوخ ولو انته عايز اجيبلك

وجهه نظرى :الشيخ محمد عبده هوه اما التنوير ومفكر وشيخ اسلامى من الطراز الاول يستحق ان ينقل عنه ويدرس فكره خيرا من افكار علماء السعوديه او حتى الشيخ حسان .
وانته حر برضه تسمع لحسان وانا حر اقرا لمحمد عبده .

==============================
انته كنت كلمتنى فى حكايه التاريخ الاسلامى والحضار الاسلاميه .
وان علماء الاسلام هما الى اخترعوا الساعه تقريبا وحاجات كده .
وانا بقول العلم ملوش دعوه بالدين مش واضحه صح ؟
اوضحهالك يعنى مش شرط عشان نبقى دوله علميه وعندنا اختراعات وتكنولوجيا لابد نبقى مسلميين .
وده مش منطقى يا اكرم الفراعنه فى قديم الزمان وصلو لعلوم مش عندنا دلوقتى وهمه كفره.
الهنود دلوقتى عندهم قنبله نوويه وعندهم ميت مله ومنهم الى بيعبدو البقر .
اكريكا واسرائيل وفرنسا وانجلترا عندهم علوم اكتر مننا .
يعنى لو واحد كافر زى فثتاغورس فكر ودور ولا زى اينشتاين هيوصل فى العلم

=============================
الاهم متحجرشى على راى غيرك ولو عليز تطبقك النظام الاسلامى زى ما كان متطبق ايام ابو بكر الصديق ولا الفارق عمر بن الخطاب .
ولا عثمان بن عفان ولا على ابن ابى طالب طبقه .
وانا مستنيك تجيبلى رئيس ودوله زى العظماء دول

==============================
ويريت منوصلشى دوله زى السعوديه الى فيها شيوخ بيتكلمو باسم الدين برده وميقدروش يقولوا كلمه للملك ولا يحركوا ولا يعملو وفلحنيى بس فى اسم الامر بالمعروف والنهى على المنكر 
ومخليين الشعب السعودى مش ناهض يتنفس وبرده باسم الدين

===============================
خليك فاكر ان كلامى ده مش قران وان ممكن غيره لانه يقبل الصواب او الخطا

واخيرا يريت تشوفو الفيديو ده البطل الى فيه اسمه وليد (مش انا)
بس هوه سلفى سبحان الله
تخيلو وليد السلفى

الفيلم اسمه اين ودانى

++++++++++++++++كلام بقى جديد+++++++++++++++++

النهارده يسرى فوده كاتب مقاله جمده للمجلس لا يا سياده اللواء

 النهرده كمان بيان من المجلس العسكرى

 

البيان شكله مريح ومش مريح فى نفس الوقت بس احسن اقراه تانى

وكمان الاخوان بعد الجمعه  شالو ممثليهم فى ائتلاف شباب الثوره 

وده ردهم بعد الخبر