صح ولا غلط على التعديلات الدستوريه

قبل صح وغلط على التعديلات هنبص على البلد دى . البلد دى عاشت كل العصور وكل الحالات الا حاله واحده .
عاشت فى حكم فرعون وكمان حكم مملوك وعاشت فى حكم سلطان وعاشت فى حكم السادات وجمال .
وعاشت فى حكم بابا مبارك (الى نفسى اشوفه دلواتى يا ترى بياكل ايه وسوزان بطبخله ايه ولا بيقول ايه لجمال ممكن يكون بيقوله انته السبب يا ابن الكلب, يمكن)


عاشت طول حايتها فى ذل والمصرى الى فيها عمره ما قال لأ.
بس سكت وساعت ما قال طلع الى جواه وشال نظام كان فاكر انه خلاص الشعب منه بقى بيخاف وايوه كان فيه كتير بتخاف


بس ضرب الخوف بالجزمه وشال نظام ابن جزمه وشال كمان  امن الدوله.
 دلوقتى بقي  فى عهد ثوره . الى عمرى ما كنت افتكر ان فى يوم هقول لابنى جيلنا عمل ثوره انتو هتعملوا ايه .
وبعد ما نجحنا وخلصنا من مبارك وبقينى فى طريقنا عشان نعيش الحاله الى عمرنا معشناها الحاله الى كنا بنتمناها عايزين عدل وحق ومساواه بين مسلم ومسيحى وكمان نشيل الكوسه , 
جينا نكتب دستور وقالوا يلى نعدل شويه مواد .
عشان الحياه تمشى والشغب الغلبان قال خلاص تمشى وبكره ولا بعدوا ما هما هيعدوا يعملوا دستور جديد .
بس انا بقول لا لان النظريه دى انتهت خلاص ان احنا نرضى بالقليل عشان الاقتصاد هيقع والناس مش 
هتعرف تجيب بتزا (زى  بنت اخت عغاف شعيب) . الناس الى عملت التعديلات فرضوا علينا خلاص ان
 الشعب هيوفق عليها وعصر الموافقه وخلاص ده انتها وبنوا كلامهم على ان الشعب ملوش الا راى واحد انه انا موافق بس نخلص.
الموضوع مش سلق بيض ولا اى مواد وخلاص ما كنا رضينا ان مبارك يقعدد فى الحكم 6 شهور وخلاص .
زى ما قالوا للناس انتو لو وفأتوا ايه الى هيحصل يقولوا لو قالوا لا ايه الى هيحصل يخدوا راى الشعب فى المواد ماده ماده .
طالما احنا بقينا عصر ديموقراطي.

الشعب لابد يروح يصوت ويقول رايه . ولو الشعب اغلبيته قالت لا هنمشى معاها او نعم برده هنمشى معاها
بس قول رايك وقول الى فيه مصلحه البلد من وجهة نظرك .
ومش عشان حد مثقف قال نعم تمشى وراه او حد قال لا نمشى وراه قول رايك انته واعرف ان صوتك ده مهم .


بس انا عن نفسى انا مش موافق على التعديلات دى انا عايز دستور جديد دلوقتى .
مش مشكله الناس تتاخر شويه عشان نضمن مستقبل مصر ل 300 سنه قدام 
اكيد الوقت الى هنتاخره ده مش هيضيع وبالعكس هيكون فى مصلحه البلد ومصلحه الشباب الى قدامه مشوار كبير من توعيه الشارع.
وعشان يبنى احزاب تعبر عن الشعب


انا هقول لا انته هتقول ايه ؟ اكيد هتقول رايك