العمال والفلاحين فى مجلس الشعب

بصدور الاعلان الدستورى امس الموافق 30/3/2011
 قد ودعت مصر وللابد دستور 71 يتكون هذا الاعلان الدستورى من 62 ماده
فى هذه التدوينه اتكلم عن الماده المخصصه بنسبه العمال والفلاحيين فى مجلسى الشعب والشورى  وينص على

   مـــــادة 32  

يُشكل مجلس الشعب من عدد من الأعضاء يحدده القانون على ألا يقل عن ثلاثمائة وخمسين عضوا، نصفهم على الأقل من العمال والفلاحين ، ويكون إنتخابهم عن طريق الانتخاب المباشر السرى العام.ويبين القانون تعريف العامل والفلاح، ويحدد الدوائر الانتخابية التى تقسم إليها الدولة.ويجوز لرئيس الجمهورية أن يعين فى مجلس الشعب عدداً من الأعضاء لا يزيد على عشرة
-----
تتحدث الماده عن عدد الاعضاء فى المجلس وعن نسبه الاعضاء فيه وحددت نسبه 50% على الاقل عمال وفلاحين
يعنى مفيش مشكله لو بقت النسبه 60 ولا 70 فى المائه


بس السؤال الاول ايه ياترى شغله مجلس الشعب ووظائفه المنوط بها؟
- الاجابه تتلخص فى
مناقشة القوانين ووضعها
 مراقبة اداء الحكومه وتقديم استجوابات للوزراء المخطئين
مناقشة الميزانيه العامه للدوله واقرارها


طيب بعد ما عرفنا وظايف يا ترى مين المناسب للوظائف دى ؟


من وجه نظرى الوظائف دى الفلاح والعامل ابعد كثير جدا عن القدره على ممارستها وتحمل اعبائها ولكن الدستور المصرى اكد واصر على ان يكون للعمال والفلاحيين نسبه على الاقل 50% فى هذ المجلس .
هل يقدر الفلاح مثلا على وضع ومناقشه قانون مثلا فى تخصصات الرئيس او تعديل مواد الدستور مثلا 
كلا البته انما نحتاج فى هذا الى خبراء قانونيين يفهمون ماذا يريد الشعب من جميع طوائفه ايا كانت عمال وفلاحيين او مهندسيين او غيرهم ويترجمه الى قانون .
ولكن كيف لهؤلاء ادراك بما يريده الشعب مثلا غعن طريق النقابات المهنيه المعبره عن الطوائف فبدل من 50% عمال وفلاحيين تظهر نقابات وجمعيات فعليه تقترب منها وتدعمهم او يكونوا هم نقابات .
وان لم ينفع .
يمكن ان يصل اصواتهم للمسؤليين من خلال مجلس الشعب بتمثيلهم حتى ولو بنسبه لا تتعدى 20% وهذه هكافيه بايصال ارائهم للخبراء القانونيين .


طيب انا راضى ضميرك . الشعب المصرى من اطيب الشعوب وخصوصا البسطاء منه وهم العمال والفلاحيين الذى سيمثلون 50% فى مجلس الشعب هل هئلاء قادريين على البحث والتنقيب خلف هؤلاء الوزراء المسؤليين على مرقباتهم .هل يستطيعون تقديم استجواب لهم . هل يستطيع النائب عن العمال والفلاحيين استجواب وزير الصحه بسبب ردائه جوده الادوات الطبيه فى المستشفيات العامه . اكيد الوزير هيبلفه بكلمتين انجليزى وطالما هما 50% يبقى بلف نص الشعب 
متقليش ان فيه فلاحيين مثقفيين جدا ؟ والله ,من امته دا اذا كان احنا المتخرجيين من الجامعات مستوانا التعليمى مش ولا بد ويدوب بنتكلم انجليزى بالعافيه ومبنعرفشى نكلم ساعتين على بعض لغخ عربيه فصحى .
ولكن انا معاك فيه ناس منهم مثقفه .قشطه ,
طب ما ايه رايك لو جبنا بدل المثقفيين دول ناس مثقفه على حق بقى وهمه الى يبعبروا عنهم .هتقولى نجيب البشوات ولؤات الشرطه . هقولك لا طبعا 
بس الاول تعرف دلوقتى ان مستوى التعليم فى الارياف نسبه عاليه الى حد ما يعنى القريه الى كان فيها دكتور واحد من المرطز دلوقتى بقى فيها 10 داكتره من نفس القريه وبقى فيها خريج حقوق وتجاره وغيره من خريج الجامعات الى بينتسب الى القريه دى وغالبا هيكون ابوه من العمال والفلاحيين الى انته بتكلم علييهم دلوقتى .
ليه بقى منجبشى نائب الدايره يبقى ابن من ابنائها وخريج حقوق ولا تجاره يبقى جمع بين قربه لطبقه العمال والفلاحيين  وكمان عنده القدروه والمعلومات الكافيه لممارسه وتحمل اعباء هذه المسؤليه.


طيب غيره . اخر حاجه الموازنه العامه للدوله ؟ 
دلوقتى رئيس الوزاره هيحدد الموازنه بتاعت السنادى ويعرضها على المجلس فيها ايه الى مفروض يتصرف على كل محافظه 
وكل وزاره .
هياجى نائب يتكلم فى الفلوس والى راح والى مفروض الدوله تصرفه على اساس ايه وهوه اصلا معندوش خبره فى الاقتصاد والتجاره ولا الموارد والدخل القومى وكل الارقام المعقده الى مئات الخبراء الاقتصاديين الوزاره  بتستعملهم عشان يضعلها الموازنه 


هيبقى واقف محتاس 
وهنرجع نسمع زى زمان كلمه واحده موافقه . لان هوه مش هيبقى خبير اقتصادى عشان يقدر يحاسب ولا يفهم 


__طيب نقتل العمال والفلاحيين ونخلص منهم اكيد برده لا 
انا مبقولشى نستغنى عنهم دول قرايبنا واخواتنا بس يا ترى عشان نبينلهم ان هما اغلبيه ويستحقوا نحطلهم 50% فى مجالس كل شغلتها التشريع والقانون ؟
طيب ولو صح ليه بقى منخليش وزير الزراعه والصناعه بقى عامل وفلاح وخلاص ومش مهم حتى يبقى معاه اعدايه طالما بيعرق يقرا ويكتب 
  
من اسابيع قليله جيه الكتور فاروق الباز عشان يعيد مشرعه القديم لتطوير البنيه الزراعيه وهوه اكتر من رائع يا ترى فاروق الباز هوه الى يستحقق يمثل الفلاحيين لان بمشروعه هيخلى مصر من اغنى البلاد الزراعيه   ولا شخص فلاح هيعبر عنهم 


اخيرا بعض الحلول :
العمال والفلاحيين يشكلوا على الاكثر 20% من مجلسى الشعب او الشورى 
2- تكوين نقابات للعمال والفلاحيين دائمه الصله بمجلس الشعب والشورى والوزارات المعنيه بهما 
3- الاهتمام بالمشروعات الزراعيه والتنميه واستخدام الخبارات المصريه مثل الدكتور الباز


العامل والفلاح مش مكانه مجلس الشعب ولكن مكانه الارض والمصنع وهذا ليس اهانه لهم .
بما ننا مش هنفتكس حاجه جديده .وفى ناس كتير سباتنا .ليه منشفشى امريكا ولا المانيا مجلس الشعب بيمثل العمال والفلاحيين ازاى فيه .
وبالتاكيد هنعرف ان ماده 50% دى كان وقتها من 60 سنه لما كان فعلا 90% عمال وفلاحيين و10 % هما المتعلميين فكان كفايه على المتعلميين 50% دلوقت قد تصل نسبه المتعلميين الى اكثر من هذا بكثير ولكن اصبحوا متعلميين دو عمل