النهارده كان يوم طويل كنا فى الكليه عامليين اعتصام عشان مشاكل الفساد والطلاب الى حاسه بالقهر من الداكاتره . اكلمنا انا واصحبنا عن موضوع الدين فى الدوله .
البدايه كانت بسبب تصريحات للشيخ محمد حسين يعقوب بعد الاستفتاء على التعديل الدستورى الى 77 % فقالو نعم وال 23 % قالوا عليه لا
المشكله مش فى نعم ولا لا المشكله فى راى الشيخ الى بقول
ان الشعب اختارها دوله اسلاميه تبقى لازم تبقى اسلاميه (وده على حد اعتقاده ان التعديلات دى كانت عن ان تكون الدوله اسلاميه او مسيحيه من غير ما يعرف ان الماده بتاعت الدين الرسمى للدوله مكنشى عليها استفتاء بس يمكن يكون عارف ده بس بيستهبل )
وكمان قال ان الى مش عجبه يهاجر كندا وحجات تانيه .
بعد كلام الشيخ ده والى وافقوه على كلامه انا بقول ان الناس الى بتكلم كده هتودى البلد فى داهيه . الناس الى بتكلم باسم الدين الى فاهمه ان لازم نسمعلها ومنعترضشى عليها هيه دى بدايه المشاكل شوف ايه الى حصل عند من يدين بديانه اخرى غير الاسلام بعد كلام الراجل ده . بعد ما يقول ان احنا انتصرنا فى غزوه الصناديق بيقصد بيها الا ستفتاء.
ليه هيه كانت معركه بين المشركين والكفار عشان الاسلام انتصر فيها .
والى قال لا ده يبقى خاين لاسلام ولا كافر والناس الى بتسمع كلام الناس دى وتاخده كانه قران منزل شوف بتزود اد ايه كميه التعصب الى ممكن بسبب كلمتين من الراجل ده تطلع فتنه من البلد.
الخلاصه : ان كلام الشيوخ وتدخله فى السياسه بدون حكمه واصداره بعض الكلمات المستفزه بدايه طريق الانهيار بعد الثوره دى ولكن الشعب المصرى واخد حصانه ضد التعصب من الاف السنيين يقدر يتعدى الاخطاء الفرديه الى بتحصل من بعض الافراد والحمد لله على كده .
ومش بس الشيوخ المسلمين بتصريحاتهم الى بتسبب مشاكل كمان رجال الكنيسه ليهم تصريحات مستفزه وممكن يشحنوا الشعب والمواطن البسيط ضد اخوانه المصريين .
فى اخر كلام بقول يريت المتحديثيين باسم الدين ايا كان اسلام او مسيحيه يبعدوا نفسهم عن اصدار فتاوى او اراء بشكل اوامر لابد تنفيذها ويفهموا ان ده رايهم الخاص وكل انسان ليه رايه ووجهه نظره الى ممكن يختلف بيها مع شيخ او كاهن فى كنيسه
,ويريت يبطلوا يتكلموا فى السياسه طالما مبيفموش فيها ويستخدموا الشعارات الدينه لتهيج عواطف الناس
احذروا ممن يتحدثوا باسم الدين انهم اقرب طريق الى الفتنه .
لابد من رادع لهؤلاء حتى لا يعيدوا ما قالوه .
حان الان لدوله ليبراليه تحمى مواطنيها من التعصب الفكرى
-----------------------------
رد الشيخ على الكلام الى قاله انه كان بيهزر
.
دلوقتى الشيخ هزر وقال الى مش عجبه يهاجر كندا والبلد بلدنا وعملها غزوه امال لو كان بيتكلم بجد كان قطع ادينا الى صوتنا بيها وقلنا لا للدستور المرقع .
No comments:
Post a Comment