You Must Vote 19th mars

بكره الاستفتاء على التعديلات الدستوريه 19 مارس . وانا هقول لا التدوينه دى مش عشان لا ليه ممكن تدور على النت وتعرف لا ليه .
انا هنا هتكلم عن الشارع واريه و.
اول مره مع واحد باين عليه سلفى او من الى بيسمعوا الشيوخ وخلاص .
--:
   سالته انته مع التعديلات ولا لا .
الجواب طبعا نعم ؟ ليه 
عشان المسيحيين ولاد التييت عايزين يعدلوا الماده التانيه ويقلبوها داوله علمانيه .
انا : طب ما عادى دول 10 مليون وايا كان رايهم ليهم حقوق .
هوه: حقوق ايه دول يمشوا على مزجنا والى عايزينه (المسلمين) يمشى على راسهم .
--ده اول واحد 

التانى طالب فى كليه :
قالى انا هقول نعم .قولتله ليه ؟
قال عشان الاستقرار . عاجب البلطجيه والمدارس والجيش الى فى الشارع والمظاهرات 
الى مليا الشارع.
قولتله احنا فاكريين لو قلنا نعم كاننا اتكينا على الزار بتاع الاستقرار . كده كده الجيش هيفضل لحد شهر 12 ويعد 7 اشهر يعمل انتخابات كتير وكل يوم قضاه فى مصر كلها زى انتخابات مجلس الشعب دوره اولى وتانيه وشورى دوره اولى واعاده وانتخابات الرئاسه كل الهيصه دى هتحصل .
تعرف ان الانتخابات دى هطلع 505 عضو فى مجلس شعب و300 فى الشورى وكمان ريس للبلد.
هوه ده الاستقرار فى الوقت الى مفيش شورطه والجيش الى فى الشارع .
ولا نستفيد من الوقت ده والدنيا تهدى ونعمل دستورنا على راوقه يكون الشرطه رجعت والاستقرار بقى على حق  .

غير رايه وقال خلاص انا هقول لا
--------------
والتالت سواق تاكسى كنت ركبت معاه وسالته انا واحد صاحبى انه رايك ايه قالى نعم وقالى عشان الاستقرار وقلتله نفس الى الفوق.

ملاحظات من التلت اشخاص
الاولانى لا يتقبل راي الاخر ويمشى ورا اى حد يلعب على وتر الدين 
او يسمع كلام من الشيخ الى متابعه وحتى وده غالبا ان الشيخ مبعرفشى سياسه غير كلمه ان الدوله تبقى دوله اسلاميه ,وكمان بيكره المسيحيين لله فى الله كره اعمى وخلاص 

والتانى زى ناس كتير شاف انه لابد الاستقرار ومشى ورى النغمه دى بس لما عرف ان الستقرار السريع ده هياجى بعده توتر كتير فى الانتخابات غير رايه

والتالت معرفشتش ايه رايه بس تقريبا مغيرشى رايه
بس فهمت منه حاجه مهمه انه مبيحبش الاخوان وطريقتهم والرابع ده سواق تاكسى برده مش مع الاخوان وبرده هيقول لا 

------المهم بقى 
السلفيين هيودو البلد فى داهيه بتعصبه وعدم رضاهم عن اى فكره غير الاسلاميه كطريق لدوله محترمه ديموقراطيه 
والعلم والناس الفاهمه هما الى هيبنو البلد دى 
  والشعب البسيط بيحب الاستقرار والهدوء بس بدا يتكلم فى السياسه بدا يحس ان ليه وجود ورايه بيعبر عنه
----------
انا بقى بقول من حق كل واحد يقول رايه بس انا هقول لا 
وبلاش تعصب اعمى لا الى هيقول لا عميل ولا الى هيقول نعم عميل بس معلومه 
 انى الى هيقول نعم هما الاخوان والوطنى والناس الى بتحلم بالاستقرار وخلاص او مضحوك عليها بالفكره بتاعت الاستقرار .
انا بقى رافض ليه فى اسباب كتير زى ما قلتلك انك ممكن تجيبها من النت السبب بتاعى ان مجلس الشعب الى هياجى هيبقى اغلبه اخوان وهما كده الى هيختاروا الجمعيه التاسيسيه الى هتعمل الدستور والتالى هتغلب عليه فكر الاخوان وده الى لايعبر عن كل اطياف الاصريين من مسحيين وليبراليين وشتراكيين وغيرهملابد الى يعمل الدستور الناس دى كلها وده مش متوافر لان الاخوان هتكتسح الانتخابات لان مفيش حزب منظم غيرهم ....

-------الاهم 
قول رايك البلد مش هتغرق لو قلنا نعم ولا حد هيحتلنا لو قولنا لا انته حر لاول مره من 60 سنه الاهم انك تقول رايك 
YOU MUST VOTE